ۇلتتىق ستاتيستيكا بيۋروسىنىڭ مەلٸمدەۋٸنشە 2026 جىلعى قاڭتار-مامىر ايلارىنىڭ قورىتىندىسى بويىنشا قازاقستاندا 1,6 ملرد ليتر مينەرالدى سۋ مەن الكوگولسٸز سۋسىن ٶندٸرٸلدٸ. بۇل ٶتكەن جىلدىڭ سەيكەس كەزەڭٸمەن سالىستىرعاندا 17%-عا كٶپ, دەپ حابارلايدى ult.kz.
ٸشكٸ نارىقتاعى ٶتكٸزۋ كٶلەمٸ 1,7 ملرد ليترگە جەتٸپ, 21% ارتتى. سونىمەن قاتار الكوگولسٸز سۋسىندار يمپورتى 29,6% ٶسٸپ, 217,1 ملن ليتردٸ قۇرادى. ٸشكٸ نارىقتاعى يمپورتتىق ٶنٸمنٸڭ ٷلەسٸ 11,4% بولدى.
ەكسپورتتىڭ نەگٸزگٸ بٶلٸگٸن دەستٷرلٸ تٷردە قانت نەمەسە ٶزگە دە تەتتٸلەندٸرگٸشتەر, سونداي-اق حوش يٸستەندٸرگٸش جەنە دەمدٸك قوسپالار قوسىلعان سۋلار مەن باسقا دا الكوگولسٸز سۋسىندار قۇرادى. ەسەپتٸ كەزەڭدە وسى ٶنٸم تٷرٸنٸڭ ەكسپورتى 172,8 ملن ليترگە جەتٸپ, اقشالاي كٶلەمٸ 75,5 ملن اقش دوللارىن قۇرادى.
ەكسپورتتىڭ ەڭ ٸرٸ نارىعى بۇرىنعىسىنشا قىرعىزستان بولىپ وتىر. بۇل ەلگە 94,9 ملن ليتر ٶنٸم ەكسپورتتالىپ, ونىڭ قۇنى 39,0 ملن اقش دوللارىن قۇرادى.
ٶزبەكستانعا ەكسپورت كٶلەمٸ ايتارلىقتاي ٶسٸپ, 39,2 ملن ليتردەن 48,3 ملن ليترگە دەيٸن ۇلعايدى. ال جەتكٸزٸلٸم قۇنى 28,1 ملن اقش دوللارىنا جەتتٸ.
ەڭ جوعارى ٶسٸم رەسەيگە ەكسپورتتا بايقالدى. جەتكٸزٸلٸم كٶلەمٸ 2,5 ەسەدەن استام ارتىپ, 9,2 ملن ليتردەن 23,5 ملن ليترگە دەيٸن ٶستٸ. سونداي-اق ارمەنيياعا ەكسپورت كٶلەمٸ شامامەن 10 ەسەگە ۇلعايىپ, 548,5 مىڭ ليترگە جەتتٸ. ەزەربايجان مەن گرۋزيياعا جەتكٸزٸلٸمدەر 12 ەسەدەن استام ٶسٸپ, تيٸسٸنشە 342,1 مىڭ جەنە 393,5 مىڭ ليتردٸ قۇرادى.
بۇدان بٶلەك, تەجٸكستانعا ەكسپورت 2,5 ملن ليتردەن 2,9 ملن ليترگە دەيٸن, موڭعوليياعا 802,1 مىڭ ليتردەن 930,2 مىڭ ليترگە دەيٸن, ال كورەيا رەسپۋبليكاسىنا 117,7 مىڭ ليتردەن 171,5 مىڭ ليترگە دەيٸن ارتتى.
ايتا كەتەيٸك, 2025 جىلدىڭ قورىتىندىسى بويىنشا قازاقستاندا الكوگولسٸز سۋسىن ٶندٸرٸسٸمەن 145 كەسٸپورىن اينالىستى.
