ۇلتتىق ستاتيستيكا بيۋروسىنىڭ مەلٸمەتٸنە سەيكەس 2026 جىلعى 12 تامىزداعى جاعداي بويىنشا, ەسەپتٸ اپتادا قازاقستاندا ەلەۋمەتتٸك ماڭىزى بار ازىق-تٷلٸك تاۋارلارىنىڭ بٸرقاتارىنىڭ باعاسى تٶمەندەدٸ, دەپ حابارلايدى ult.kz.
اپتا ٸشٸندە كارتوپتىڭ باعاسى (-4,2%), اق قاۋداندى قىرىققابات (-1,2%), الما (-1,1%), پيياز بەن سەبٸز (-1%) ارزاندادى. سونداي-اق قاتتى جەنە جارتىلاي قاتتى ٸرٸمشٸكتٸڭ باعاسى (-0,3%), مايلىلىعى 5-9% سٷزبە جەنە تۇز (-0,2%), بٸرٸنشٸ سۇرىپتى بيداي ۇنى مەن قايماق (-0,1%) تٶمەندەدٸ.
بٸرٸنشٸ سۇرىپتى ۇننان پٸسٸرٸلگەن بيداي نانى, روجكي, سٷيەكتٸ سيىر ەتٸ, سٷيەكسٸز سيىر ەتٸ, جىلقى ەتٸ, مايلىلىعى 2,2%-دان 6%-عا دەيٸنگٸ پاستەرلەنگەن, ۋلتراپاستەرلەنگەن جەنە ستەريلدەنگەن سٷت, جۇمىرتقا جەنە سارى مايدىڭ باعاسى ەسەپتٸ اپتادا ٶزگەرٸسسٸز قالدى.
ٶڭٸرلٸك بٶلٸنٸستە ەلٸمٸزدٸڭ بٸرقاتار قالاسىندا دەفلياتسييالىق ديناميكا بايقالدى. ەلەۋمەتتٸك ماڭىزى بار ازىق-تٷلٸك تاۋارلارىنىڭ جالپى باعاسى بٸر اپتا ٸشٸندە تالدىقورعاندا (-0,7%), اقتاۋ مەن جەزقازعاندا (ەرقايسىسى -0,4%), پەتروپاۆلدا (-0,3%), استانادا (-0,2%), قاراعاندى, قوستاناي, ورال, ٶسكەمەن جەنە پاۆلودار قالالارىندا (-0,1%) تٶمەندەدٸ. الماتى, تٷركٸستان, اقتٶبە, سەمەي جەنە تاراز قالالارىندا باعا الدىڭعى اپتا دەڭگەيٸندە ساقتالدى.
رەسپۋبليكا بويىنشا كارتوپتىڭ ورتاشا باعاسى كيلوگرامىنا 259 تەڭگەنٸ قۇرادى, ال ەڭ تٶمەن باعا پاۆلوداردا تٸركەلدٸ – كيلوگرامىنا 191 تەڭگە.
اق قاۋداندى قىرىققاباتتىڭ رەسپۋبليكا بويىنشا ورتاشا باعاسى كيلوگرامىنا 189 تەڭگە بولدى. ەڭ تٶمەن باعالار تٷركٸستاندا – 142 تەڭگە, تارازدا – 152 تەڭگە دەڭگەيٸندە تٸركەلدٸ.
المانىڭ ورتاشا باعاسى كيلوگرامىنا 797 تەڭگەنٸ قۇرادى. ەڭ تٶمەن باعا شىمكەنتتە تٸركەلدٸ – 639 تەڭگە.
ەت ٶنٸمدەرٸنٸڭ ٸشٸندە رەسپۋبليكا بويىنشا سٷيەكتٸ سيىر ەتٸنٸڭ ورتاشا باعاسى كيلوگرامىنا 3 779 تەڭگەنٸ, تاۋىق ەتٸنٸڭ باعاسى 1 736 تەڭگەنٸ قۇرادى.
ەلەۋمەتتٸك ماڭىزى بار ازىق-تٷلٸك تاۋارلارى باعالارى يندەكسٸنٸڭ كٶرسەتكٸشٸ اپتا سايىن ەسەپتەلەدٸ. باعالاردى باقىلاۋ بارلىق وبلىس ورتالىقتارىندا, رەسپۋبليكالىق ماڭىزى بار قالالاردا جەنە استانادا جٷرگٸزٸلەدٸ. ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ ديناميكاداعى ٶزگەرٸستەرٸن قازاقستان رەسپۋبليكاسى ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ سايتىنان جەنە «تالداۋ» اقپاراتتىق-تالداۋ جٷيەسٸنەن كٶرۋگە بولادى.
*ەلەۋمەتتٸك ماڭىزى بار ازىق-تٷلٸك تاۋارلارىنىڭ تٸزبەسٸ قازاقستان رەسپۋبليكاسى ساۋدا جەنە ينتەگراتسييا مينيسترٸنٸڭ 2025 جىلعى 23 جەلتوقسانداعى №362-نق بۇيرىعىمەن بەكٸتٸلگەن جەنە 31 اتاۋداعى ازىق-تٷلٸك ٶنٸمدەرٸن قامتيدى.
