قازاقستاندا پسيحيكالىق دەنساۋلىق, بالالاردى وڭالتۋ جەنە ەرەكشە قاجەتتٸلٸگٸ بار ادامداردى سٷيەمەلدەۋ سالاسىندا جۇمىس ٸستەيتٸن مامانداردىڭ ەڭبەكاقىسىن قايتا قاراۋ ۇسىنىلدى. وسى مەسەلەگە بايلانىستى قۇرىلتاي دەپۋتاتى لاريسا لي ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆقا دەپۋتاتتىق ساۋال جولدادى, دەپ حابارلايدى Ult.kz.
دەپۋتاتتاردىڭ مەلٸمەتٸنشە, بۇل سالادا ەلەۋمەتتٸك قىزمەتكەرلەر, كلينيكالىق پسيحولوگتەر, لوگوپەدتەر, دەفەكتولوگتەر جەنە باسقا دا مامانداردى قوسقاندا شامامەن 12 مىڭ ادام جۇمىس ٸستەيدٸ. الايدا ولاردىڭ ەڭبەكاقىسى مەكەمەنٸڭ قاي ۆەدومستۆوعا قارايتىنىنا, قىزمەتٸنە جەنە قولدانىلاتىن تاريفتٸك جٷيەگە بايلانىستى ايتارلىقتاي ەرەكشەلەنەدٸ.
مەسەلەن, دەنساۋلىق ساقتاۋ ۇيىمدارىندا جۇمىس ٸستەيتٸن مەديتسينالىق ەمەس ماماندار ٷكٸمەتتٸڭ №1193 قاۋلىسىنا سەيكەس, ٶزگە پەرسونال ساناتىنا جاتقىزىلۋى مٷمكٸن. سونىڭ سالدارىنان بٸر پاتسيەنتكە كٶمەك كٶرسەتەتٸن, بٸراق كەسٸبي مەرتەبەسٸ ەرتٷرلٸ مامانداردىڭ جالاقىسىندا ەلەۋلٸ ايىرماشىلىق تۋىندايدى.
اۋتيزم ورتالىقتارىنداعى مامانداردىڭ جاعدايى دا كٶتەرٸلدٸ
دەپۋتاتتار مەملەكەتتٸك بالالاردى وڭالتۋ جەنە اۋتيزم سپەكترٸنٸڭ بۇزىلىستارى بار بالالارعا كٶمەك كٶرسەتۋ ورتالىقتارىنداعى ەڭبەك جاعدايىنا دا نازار اۋداردى.
مۇنداي مەكەمەلەردە دەفەكتولوگتەر, لوگوپەدتەر, ەرگوتەراپەۆتەر, ABA-تەراپەۆتەر جەنە باسقا ماماندار جۇمىس ٸستەيدٸ. الايدا ولاردىڭ ەڭبەكاقىسى مەن كەسٸبي مەرتەبەسٸن انىقتاۋ كەزٸندە اتقاراتىن جۇمىسىنىڭ ەرەكشەلٸگٸ تولىق ەسكەرٸلمەۋٸ مٷمكٸن.
دەپۋتاتتاردىڭ پٸكٸرٸنشە, بۇل مامانداردىڭ بٸر بٶلٸگٸنە ارالاس كەسٸبي سالالارداعى قىزمەتكەرلەرگە قاراستىرىلعان قوسىمشا تٶلەمدەر مەن جالاقىنى ارتتىرۋ تەتٸكتەرٸ قولجەتٸمسٸز بولۋى ىقتيمال.
بۇعان قوسا, بٸرنەشە مينيسترلٸك اراسىندا ٶكٸلەتتٸكتەردٸڭ بٶلٸنۋٸ مامانداردىڭ مەرتەبەسٸ مەن ەڭبەكاقىسىن رەتتەۋدٸڭ بٸرىڭعاي تەسٸلٸن قالىپتاستىرۋدى قيىنداتىپ وتىر.
پسيحيكالىق دەنساۋلىق سالاسىندا مامان تاپشىلىعى بار
دەپۋتاتتىق ساۋالدا پسيحيكالىق دەنساۋلىق سالاسىنداعى كادر مەسەلەسٸ دە سٶز بولدى.
قۇجاتتا كەلتٸرٸلگەن مەلٸمەت بويىنشا, پسيحيكالىق دەنساۋلىق ۇيىمدارىندا 300 مىڭنان استام ازامات ەسەپتە تۇر. ال وسى باعىتتا جۇمىس ٸستەيتٸن ەلەۋمەتتٸك قىزمەتكەرلەر مەن پسيحولوگتەردٸڭ شتاتتىق بٸرلٸگٸ شامامەن 163 ەكەنٸ كٶرسەتٸلگەن. دەپۋتاتتار بۇل دەرەكتەردٸ ٶڭٸرلەر بويىنشا كادرلاردىڭ بٶلٸنۋٸ, مەكەمەلەردٸڭ ناقتى ماماندارمەن قامتىلۋى جەنە جۇمىس جٷكتەمەسٸ تۇرعىسىنان ناقتىلاۋ قاجەت ەكەنٸن اتاپ ٶتتٸ.
ولاردىڭ ايتۋىنشا, پسيحيكالىق دەنساۋلىق سالاسىنداعى كٶمەك مەديتسينالىق ەمدەۋمەن شەكتەلمەيدٸ. ول ەلەۋمەتتٸك وڭالتۋدى, ادامنىڭ ٶز بەتٸنشە ٶمٸر سٷرۋ داعدىلارىن قالپىنا كەلتٸرۋدٸ, وتباسىلاردى سٷيەمەلدەۋدٸ جەنە قوعامعا قايتا بەيٸمدەلۋٸنە جەردەمدەسۋدٸ دە قامتيدى.
دەپۋتاتتار قانداي ۇسىنىستار ايتتى?
وسدپ فراكتسيياسىنىڭ دەپۋتاتتارى ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە تٶرت ۇسىنىس جولدادى:
- ٷكٸمەتتٸڭ 2015 جىلعى 31 جەلتوقسانداعى №1193 قاۋلىسىنا ٶزگەرٸستەر ەنگٸزٸپ, دەنساۋلىق ساقتاۋ ۇيىمدارى مەن وڭالتۋ ورتالىقتارىندا جۇمىس ٸستەيتٸن مەديتسينالىق ەمەس مامانداردى ٶزگە پەرسونال ساناتىنان بٶلەك قاراستىرۋ مٷمكٸندٸگٸن پىسىقتاۋ;
- ەلەۋمەتتٸك قىزمەتكەرلەرگە, كلينيكالىق پسيحولوگتەرگە جەنە باسقا دا بەيٸندٸ ماماندارعا بٸلٸكتٸلٸگٸ, جۇمىسىنىڭ كٷردەلٸلٸگٸ مەن جاۋاپكەرشٸلٸگٸنە قاراي كٶتەرٸڭكٸ كوەففيتسيەنتتەر مەن قوسىمشا اقى بەلگٸلەۋ;
- اۋتيزم ورتالىقتارى مەن بالالاردى وڭالتۋ مەكەمەلەرٸندەگٸ ABA-تەراپەۆتتەر مەن ەرگوتەراپەۆتەردٸ قوسا العاندا, مامانداردىڭ كەسٸبي مەرتەبەسٸن, بٸلٸكتٸلٸك تالاپتارىن جەنە ەڭبەكاقى شارتتارىن تيٸستٸ جٸكتەۋٸشتەردە ناقتىلاۋ;
- ۇسىنىستاردى جٷزەگە اسىرۋ ٷشٸن قاجەتتٸ قارجىلاندىرۋ تەتٸكتەرٸ مەن كٶزدەرٸن انىقتاپ, جالاقىنى كٶتەرۋگە ارنالعان بيۋدجەت قاراجاتىن قاراستىرۋ.
دەپۋتاتتار ەڭبەكاقىنى ارتتىرۋ جەكەلەگەن مەكەمەلەردٸڭ ٸشكٸ قارجىلىق مٷمكٸندٸگٸنە عانا تەۋەلدٸ بولماۋى كەرەك دەپ سانايدى. ولاردىڭ پٸكٸرٸنشە, مامانداردىڭ ەڭبەگٸن ەدٸل باعالاۋ وڭالتۋ قىزمەتتەرٸنٸڭ قولجەتٸمدٸلٸگٸنە جەنە بٸلٸكتٸ كادرلاردى تارتۋعا ىقپال ەتۋٸ مٷمكٸن.
