قازاقستان جىلقى سانى بويىنشا ەلەمدە تٶرتٸنشٸ ورىنعا كٶتەرٸلدٸ. بۇل تۋرالى Ranking.kz بۇۇ-نىڭ ازىق-تٷلٸك جەنە اۋىل شارۋاشىلىعى ۇيىمىنىڭ (FAO) دەرەكتەرٸنە سٷيەنە وتىرىپ حابارلادى, دەپ حابارلايدى ult.kz.
ەلەمدەگٸ جىلقى سانى ەڭ كٶپ ەلدەردٸڭ العاشقى بەستٸگٸ مىناداي:
- مەكسيكا — 6,4 ملن باس;
- برازيلييا — 5,7 ملن باس;
- موڭعولييا — 4,7 ملن باس;
- قازاقستان — 4,4 ملن باس;
- قىتاي — 3,5 ملن باس.
بۇل رەتتە قازاقستانداعى جىلقى سانى 2025 جىلعا قاراي 4,6 ملن باسقا جەتكەن.
ورتالىق ازييادا قازاقستان كٶش باستاپ تۇر
قازاقستان جىلقى سانى بويىنشا ورتالىق ازييا ەلدەرٸنٸڭ اراسىندا ايقىن كٶش باستاپ كەلەدٸ. مەسەلەن, قىرعىزستان ەلەمدٸك رەيتينگتە 17-ورىندا — 553,5 مىڭ باس, ٶزبەكستان 30-ورىندا — 283 مىڭ باس, تەجٸكستان 51-ورىندا — 92 مىڭ باس. ال تٷرٸكمەنستاندا جىلقى سانى 27,6 مىڭ باستى قۇرايدى.
قازاقستاندا 2020-2025 جىلدار ارالىعىندا جىلقى سانى 48,4 پايىزعا ٶسكەن. ياعني بەس جىل ٸشٸندە كٶرسەتكٸش 3,1 ملن باستان 4,6 ملن باسقا دەيٸن ارتقان. سالىستىرمالى تٷردە قىرعىزستاندا وسى كەزەڭدەگٸ ٶسٸم نەبەرٸ 4,9 پايىز بولعان.
جىلقى ەڭ كٶپ شوعىرلانعان ٶڭٸرلەر
قازاقستاننىڭ بارلىق ٶڭٸرٸندە جىلقى شارۋاشىلىعى دامىعان. جىلقى سانى بويىنشا كٶش باستاپ تۇرعان وبلىستار:
- تٷركٸستان وبلىسى — 499,9 مىڭ باس;
- اباي وبلىسى — 409,3 مىڭ باس;
- اقتٶبە وبلىسى — 399,7 مىڭ باس;
- قاراعاندى وبلىسى — 399 مىڭ باس.
ماماندار سالاداعى ٶسٸمدٸ قازاقستاننىڭ كەڭ جايىلىمدىق جەرلەرٸمەن قاتار, مەملەكەتتٸك قولداۋ مەن ينۆەستيتسييانىڭ ارتۋىمەن بايلانىستىرادى.
مەسەلەن, جىلقى ٶسٸرۋ سالاسىنا نەگٸزگٸ كاپيتالعا سالىنعان ينۆەستيتسييا كٶلەمٸ 2020 جىلى 3,5 ملرد تەڭگە بولسا, 2025 جىلى 26,2 ملرد تەڭگەگە جەتكەن. ال ەڭ جوعارى كٶرسەتكٸش 2023 جىلى تٸركەلٸپ, 49 ملرد تەڭگەنٸ قۇراعان.
قازاقستاننىڭ جىلقى شارۋاشىلىعىنداعى بۇل كٶرسەتكٸشتەر ەل سپورتشىلارىنىڭ كٶشپەندٸلەر ويىندارىنداعى جەتٸستٸكتەرٸمەن دە ٷندەسٸپ وتىر. IV دٷنيەجٷزٸلٸك كٶشپەندٸلەر ويىندارىندا قازاقستان قۇراماسى 74 مەدال, ونىڭ ٸشٸندە 32 التىن جەڭٸپ الىپ, ات سپورتى تٷرلەرٸندە ٷزدٸك نەتيجە كٶرسەتكەن.
