شىمكەنت قالاسىندا جەڭٸل اتلەتيكادان XXXV Qosanov Memorial World Athletics Continental Tour Bronze Level حالىقارالىق تۋرنيرٸ مەرەسٸنە جەتتٸ, دەپ حابارلايدى ult.kz.
ەكٸ كٷنگە سوزىلعان دٷبٸرلٸ دودا قورىتىندىسى بويىنشا قازاقستان قۇراماسى 11 التىن, 13 كٷمٸس جەنە 18 قولا مەدال جەڭٸپ الىپ, جالپىكوماندالىق ەسەپتە بٸرٸنشٸ ورىنعا يە بولدى. ەكٸنشٸ ورىن ٶزبەكستان قۇراماسىنا تيەسٸلٸ بولسا, ٷزدٸك ٷشتٸكتٸ قىرعىزستان سپورتشىلارى تٷيٸندەدٸ.
قازاقستان قۇراماسى ساپىندا مارييا ەفرەموۆا (ۇزىندىققا سەكٸرۋ جەنە ٷش قارعىپ سەكٸرۋ), ماكسيم بالابين (سىرىقپەن سەكٸرۋ), ادەلينا زەمس (400 مەترگە كەدەرگٸلەر ارقىلى جٷگٸرۋ), ۆياچەسلاۆ زەمس (400 مەترگە كەدەرگٸلەر ارقىلى جٷگٸرۋ), ەفيم تاراسسوۆ (400 مەترگە جٷگٸرۋ), ايانا بولاتبەكقىزى (1500 مەترگە جٷگٸرۋ), كريستينا مينكوۆسكايا, مارييا ششيپاچەۆا, اناستاسييا كونونوۆيچ جەنە ەليزاۆەتا ياكيمەنكو (4×100 مەترلٸك ەستافەتا), رامازان شايەۆ (800 مەترگە جٷگٸرۋ), پولينا يۆانوۆا (سىرىقپەن سەكٸرۋ) مەن اقبٸلەك قۇرالباي (5000 مەترگە جٷگٸرۋ) جەڭٸمپاز اتاندى.
تۋرنيردە ەكٸ التىن مەدال جەڭٸپ العان مارييا ەفرەموۆا بۇل جارىستىڭ ٶزٸ ٷشٸن ەرەكشە ماڭىزعا يە بولعانىن ايتتى.
«بۇل جارىسقا ٷلكەن جاۋاپكەرشٸلٸكپەن دايىندالدىم. شىمكەنتتەگٸ تۋرنير بيىلعى ماۋسىمداعى ەكٸنشٸ جارىسىم بولدى. ازييا چەمپيوناتىنداعى سەتسٸزدٸكتەن كەيٸن عۇسمان قوسانوۆ مەموريالىندا ەكٸ التىن مەدال جەڭٸپ الىپ, ەكٸ باعدارلامادا دا جوعارى دەڭگەيدە ٶنەر كٶرسەتە الاتىنىمدى دەلەلدەدٸم. ٶز نەتيجەمە جوعارى باعا بەرەمٸن. ٷش قارعىپ سەكٸرۋ – نەگٸزگٸ باعدارلامام بولسا, ۇزىندىققا سەكٸرۋدٸ دايىندىقتىڭ بٸر بٶلٸگٸ رەتٸندە پايدالانىپ, ٶزٸمدٸ سىناپ كٶردٸم.
بيىلعى ماۋسىمداعى باستى ماقساتىمىز – ازييا ويىندارى. سوندىقتان بۇل تۋرنيردٸ سول ماڭىزدى دوداعا اپارار دايىندىقتىڭ العاشقى كەزەڭٸ دەپ ايتۋعا بولادى», – دەدٸ مارييا ەفرەموۆا.
جاقىندا عانا ازييا چەمپيوناتىندا بەس دٷركٸن جەڭٸمپاز اتانعان ادەلينا زەمس تە شىمكەنتتٸڭ ٶزٸنٸڭ سپورتتىق جولىنداعى ورنى ەرەكشە ەكەنٸن اتاپ ٶتتٸ.
«وسىدان ون جىل بۇرىن دەل وسى قالادا العاش رەت قازاقستان چەمپيوناتىندا جەڭٸسكە جەتٸپ, كەسٸبي سپورتتاعى جولىمدى باستادىم. سوندىقتان شىمكەنتكە ەردايىم ەرەكشە ىقىلاسپەن كەلەمٸن. مۇندا ەر جارىس سايىن نەتيجەمدٸ جاقسارتىپ جٷرگەندەيمٸن.
بٷگٸنگٸ جارىسقا دايىندىق وڭاي بولعان جوق. جاتتىقتىرۋشىممەن بٸرگە تٷرلٸ قيىندىقتاردى ەڭسەردٸك. سوندىقتان ەڭ الدىمەن ونىڭ سەنٸمٸن اقتاعىم كەلدٸ. جاقىندارىمنىڭ قولداۋىنىڭ ارقاسىندا العا قويعان ماقساتقا قول جەتكٸزدٸم دەپ ويلايمىن», – دەدٸ سپورتشى.
قازاقستان جەڭٸل اتلەتيكا فەدەراتسيياسىنىڭ پرەزيدەنتٸ اسحات حاسەنوۆ عۇسمان قوسانوۆ مەموريالىنىڭ ەلدەگٸ جەڭٸل اتلەتيكا ٷشٸن ماڭىزى زور ەكەنٸن اتاپ ٶتٸپ, جٷلدەگەرلەرگە ارنايى اقشالاي سىياقى قاراستىرىلعانىن جەتكٸزدٸ.
«عۇسمان قوسانوۆ مەموريالى – قازاقستانداعى جەڭٸل اتلەتيكا كٷنتٸزبەسٸندەگٸ ەڭ بەدەلدٸ جارىستاردىڭ بٸرٸ. بيىل بۇل تۋرنير 35-رەت ۇيىمداستىرىلىپ, تاعى دا ەرتٷرلٸ ەلدەردەن كەلگەن ٷزدٸك جەڭٸل اتلەتتەردٸ بٸر الاڭعا جينادى. ەكٸ كٷن بويى سپورتشىلار جەڭٸل اتلەتيكانىڭ 30-عا جۋىق باعدارلاماسى بويىنشا باق سىناپ, جارىستىڭ جوعارى دەڭگەيٸ مەن اۋقىمىن تاعى بٸر مەرتە دەلەلدەدٸ. بٸز ٷشٸن قازاق جەڭٸل اتلەتيكاسىنىڭ اڭىزى ەمين تۇياقوۆتىڭ جەنە وليمپيادا چەمپيوندارىنىڭ جاستاردى قولداۋ ٷشٸن ارنايى كەلۋٸ – ٷلكەن مەرتەبە.
بيىل فەدەراتسييا العاش رەت 1–6 ورىن العان سپورتشىلارعا اقشالاي سىياقى تاعايىندادى. بۇل – سپورتشىلاردى قولداۋ, جەڭٸل اتلەتيكانى دامىتۋ جەنە جاڭا جەتٸستٸكتەرگە ىنتالاندىرۋ جولىنداعى ماڭىزدى قادام», – دەدٸ قازاقستان جەڭٸل اتلەتيكا فەدەراتسيياسىنىڭ پرەزيدەنتٸ اسحات حاسەنوۆ.
تۋرنير بارىسىندا بٸر جارىس رەكوردى جاڭارتىلدى. ەرلەر اراسىنداعى 1500 مەترگە جٷگٸرۋدە قىرعىزستان ٶكٸلٸ نۇرسۇلتان كەنەشبەكوۆ 3:43.51 نەتيجە كٶرسەتٸپ, ٶزٸنە تيەسٸلٸ 2021 جىلدان بەرٸ ساقتالىپ كەلگەن جارىس رەكوردىن جاڭارتتى.
بيىلعى حالىقارالىق تۋرنيرگە قازاقستان, ٶزبەكستان, قىرعىزستان, تەجٸكستان, تٷرٸكمەنستان, مالايزييا, يران, ەگيپەت, ساۋد ارابيياسى, ەزەربايجان جەنە گرۋزييادان 250-گە جۋىق سپورتشى قاتىستى. جارىس 30 ماۋسىم مەن 1 شٸلدە ارالىعىندا شىمكەنت قالاسىنداعى قاجىمۇقان مۇڭايتپاسوۆ اتىنداعى ورتالىق ستاديوندا ٶتتٸ.
