قازاقستان مەن پەكٸستان مەديتسينالىق بٸلٸم بەرۋ سالاسىنداعى ىنتىماقتاستىقتى كەڭەيتۋگە كەلٸستٸ. قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ قولداۋىمەن استانا مەديتسينا ۋنيۆەرسيتەتٸ مەن پەكٸستاننىڭ بٸلٸم بەرۋدٸ ماقساتتى قارجىلاندىرۋ قورى (PAK-EEF) ٶزارا تٷسٸنٸستٸك تۋرالى مەموراندۋمعا قول قويدى, دەپ حابارلايدى ult.kz.
قۇجات بولاشاق دەرٸگەرلەر مەن مەيٸرگەرلەردٸ حالىقارالىق ستاندارتتارعا ساي دايارلاۋعا, اكادەمييالىق الماسۋدى دامىتۋعا, بٸرلەسكەن عىلىمي زەرتتەۋلەر جٷرگٸزۋگە جەنە مەديتسينا سالاسىنداعى تەجٸريبە الماسۋدى كٷشەيتۋگە باعىتتالعان.
ىنتىماقتاستىقتىڭ جاڭا مٷمكٸندٸكتەرٸ قازاقستان رەسپۋبليكاسىنىڭ دەنساۋلىق ساقتاۋ مينيسترٸ اقمارال ەلنازاروۆانىڭ پەكٸستان يسلام رەسپۋبليكاسى فەدەرالدىق بٸلٸم بەرۋ جەنە كەسٸپتٸك دايارلاۋ جٶنٸندەگٸ مەملەكەتتٸك مينيسترٸ ۆادجيحا كامارمەن كەزدەسۋٸ بارىسىندا تالقىلاندى.
اقمارال ەلنازاروۆا حالىقارالىق سەرٸكتەستٸك جاڭا بۋىن مەديتسينا ماماندارىن دايارلاۋدىڭ ماڭىزدى تەتٸگٸ ەكەنٸن اتاپ ٶتتٸ. ونىڭ ايتۋىنشا, قازاقستاندىق مەديتسينالىق جوعارى وقۋ ورىندارى بٷگٸندە ەلەمدٸك بٸلٸم بەرۋ كەڭٸستٸگٸنە بەلسەندٸ كٸرٸگٸپ, جەتەكشٸ شەتەلدٸك ۋنيۆەرسيتەتتەرمەن بٸرلەسكەن جوبالاردى جٷزەگە اسىرىپ كەلەدٸ.
كەزدەسۋ بارىسىندا قازاقستان پرەزيدەنتٸ قاسىم-جومارت توقاەۆتىڭ پەكٸستاننىڭ PAK-EEF قورىنا گۋمانيتارلىق گرانت بٶلۋ تۋرالى شەشٸمٸ ەكٸ ەل اراسىنداعى ستراتەگييالىق ەرٸپتەستٸكتٸ نىعايتقان ماڭىزدى قادام رەتٸندە باعالاندى. بۇل باستاما بٸلٸم بەرۋ, عىلىم جەنە دەنساۋلىق ساقتاۋ سالالارىنداعى ٶزارا بايلانىستى ودان ەرٸ دامىتۋعا جول اشتى.
قازٸرگٸ ۋاقىتتا استانا مەديتسينا ۋنيۆەرسيتەتٸ پەكٸستاننىڭ جەتەكشٸ مەديتسينالىق ۋنيۆەرسيتەتتەرٸ مەن كلينيكالارىمەن ىنتىماقتاستىق ورناتقان. جاڭا مەموراندۋم وسى سەرٸكتەستٸكتٸ جاڭا دەڭگەيگە كٶتەرٸپ, دەرٸگەرلەر مەن مەيٸرگەرلەردٸ دايارلاۋ باعدارلامالارىن جەتٸلدٸرۋگە, ستۋدەنتتەر مەن وقىتۋشىلاردىڭ اكادەمييالىق ۇتقىرلىعىن ارتتىرۋعا, عىلىمي جوبالاردى بٸرلەسٸپ ٸسكە اسىرۋعا جەنە مامانداردىڭ بٸلٸكتٸلٸگٸن كٶتەرۋگە مٷمكٸندٸك بەرەدٸ.
مينيستردٸڭ ايتۋىنشا, استانا مەديتسينا ۋنيۆەرسيتەتٸنٸڭ زاماناۋي وقۋ جەنە كلينيكالىق بازاسى, تەجٸريبەلٸ پروفەسسور-وقىتۋشىلار قۇرامى مەن حالىقارالىق جوبالاردى جٷزەگە اسىرۋ تەجٸريبەسٸ ەلەمدٸك دەڭگەيدەگٸ مەديتسينا ماماندارىن دايارلاۋعا تولىق مٷمكٸندٸك بەرەدٸ.
