استانادا V ەۋرازييا ەكونوميكالىق فورۋمى باستالدى, دەپ حابارلايدى ult.kz.
بيىلعى حالىقارالىق پٸكٸرتالاس الاڭى «جاھاندىق تسيفرلىق بەسەكەدەگٸ ەاەو: جاساندى ينتەللەكتٸگە باسىمدىق بەرۋ» تاقىرىبىنا ارنالدى. فورۋمعا ەۋرازييالىق ەكونوميكالىق وداققا مٷشە ەلدەردٸڭ باسشىلارى مەن حالىقارالىق دەلەگاتسييالار قاتىستى.
ٸس-شاراعا رەسەي پرەزيدەنتٸ ۆلاديمير پۋتين, بەلارۋس پرەزيدەنتٸ الەكساندر لۋكاشەنكو, قىرعىزستان پرەزيدەنتٸ سادىر جاپاروۆ, ارمەنييا ۆيتسە-پرەمەرٸ مگەر گريگوريان, كۋبا ۆيتسە-پرەزيدەنتٸ سالۆادور ۆالدەس مەسا جەنە باسقا دا رەسمي تۇلعالار كەلدٸ.
فورۋمنىڭ پلەنارلىق سەسسيياسىندا سٶز سٶيلەگەن قازاقستان پرەزيدەنتٸ قاسىم-جومارت توقاەۆ ەاەو-نىڭ جاھاندىق ەكونوميكاداعى رٶلٸنە توقتالىپ, ۇيىمنىڭ تەك ٶڭٸرلٸك ينتەگراتسييالىق بٸرلەستٸك ەمەس, ەلەمدٸك ەكونوميكانىڭ ماڭىزدى سۋبەكتٸسٸنە اينالعانىن ايتتى. ونىڭ سٶزٸنشە, قازٸرگٸ گەوساياسي تۇراقسىزدىق جاعدايىندا وداققا مٷشە مەملەكەتتەر ٷيلەسٸمدٸ ٸس-قيمىل ارقىلى ەكونوميكانىڭ تۇراقتىلىعىن ساقتاپ كەلەدٸ.
پرەزيدەنت جاساندى ينتەللەكت تەحنولوگييالارىنىڭ قارقىندى دامۋى ەلەمدٸك ەكونوميكاعا تٷبەگەيلٸ ەسەر ەتٸپ جاتقانىن اتاپ ٶتتٸ. ول حالىقارالىق ساراپشىلاردىڭ بولجامىنا سٷيەنە وتىرىپ, الداعى ون جىلدا جاساندى ينتەللەكت جاھاندىق ٸشكٸ جالپى ٶنٸمنٸڭ ٶسٸمٸنە شامامەن 7 تريلليون دوللار قوسۋى مٷمكٸن ەكەنٸن ايتتى. سونىمەن قاتار, حالىقارالىق ۆاليۋتا قورىنىڭ باعالاۋىنشا, جاڭا تەحنولوگييالاردىڭ ەنگٸزٸلۋٸ سالدارىنان ەلەمدەگٸ جۇمىس ورىندارىنىڭ 40 پايىزىنا دەيٸن قىسقارۋ قاۋپٸ بار ەكەنٸن ەسكە سالدى.
قاسىم-جومارت توقاەۆ قازاقستاندا 2026 جىل «جاساندى ينتەللەكت جەنە تسيفرلىق دامۋ جىلى» بولىپ جارييالانعانىن ايتتى. مەملەكەت باسشىسىنىڭ سٶزٸنشە, ەلدە تسيفرلىق ترانسفورماتسييانى جەدەلدەتۋ ٷشٸن جاساندى ينتەللەكت جەنە تسيفرلىق دامۋ مينيسترلٸگٸ قۇرىلعان. سونداي-اق قازاقستان NVIDIA تەحنولوگييالارى نەگٸزٸندە ەكٸ سۋپەركومپيۋتەردٸ ٸسكە قوسقان العاشقى ٶڭٸرلٸك مەملەكەتتەردٸڭ بٸرٸ بولدى.
پرەزيدەنت قازاقستاننىڭ ەاەو ەلدەرٸمەن تسيفرلىق ترانسفورماتسييا باعىتىندا ىنتىماقتاستىققا اشىق ەكەنٸن مەلٸمدەدٸ. ونىڭ ايتۋىنشا, كەدەندٸك رەسٸمدەردٸ جەدەلدەتۋ, ەلەكتروندىق تسيفرلىق قولتاڭبالاردى ٶزارا تانۋ جەنە لوگيستيكا مەن ٶنەركەسٸپ سالاسىنا جاساندى ينتەللەكتٸنٸ ەنگٸزۋ ۇيىم كەڭٸستٸگٸندەگٸ ەكونوميكالىق بايلانىستى كٷشەيتەدٸ.
مەملەكەت باسشىسى جاڭا تەحنولوگييالار ەاەو ەلدەرٸ اراسىنداعى «تسيفرلىق الشاقتىقتى» تەرەڭدەتپەۋٸ تيٸس ەكەنٸن ايتتى. كەرٸسٸنشە, ولار مەملەكەتتەر اراسىنداعى ەكونوميكالىق ىقپالداستىقتى نىعايتۋدىڭ تيٸمدٸ قۇرالىنا اينالۋى قاجەت ەكەنٸن جەتكٸزدٸ.
فورۋم بارىسىندا جاساندى ينتەللەكتٸنٸ جاۋاپكەرشٸلٸكپەن دامىتۋ جٶنٸندەگٸ بٸرلەسكەن مەلٸمدەمە قابىلداندى. قۇجات ەاەو ەلدەرٸنٸڭ ەكونوميكانىڭ نەگٸزگٸ سەكتورلارىن تسيفرلاندىرۋعا قاتىستى ورتاق ۇستانىمىن قالىپتاستىرۋعا باعىتتالعان.
