Astanada V Eýraziia ekonomikalyq forýmy bastaldy, dep habarlaidy ult.kz.
Biylǵy halyqaralyq pikirtalas alańy «Jahandyq tsifrlyq básekedegi EAEO: jasandy intellektige basymdyq berý» taqyrybyna arnaldy. Forýmǵa Eýraziialyq ekonomikalyq odaqqa múshe elderdiń basshylary men halyqaralyq delegatsiialar qatysty.
Is-sharaǵa Resei prezidenti Vladimir Pýtin, Belarýs prezidenti Aleksandr Lýkashenko, Qyrǵyzstan prezidenti Sadyr Japarov, Armeniia vitse-premeri Mger Grigorian, Kýba vitse-prezidenti Salvador Valdes Mesa jáne basqa da resmi tulǵalar keldi.
Forýmnyń plenarlyq sessiiasynda sóz sóilegen Qazaqstan prezidenti Qasym-Jomart Toqaev EAEO-nyń jahandyq ekonomikadaǵy róline toqtalyp, uiymnyń tek óńirlik integratsiialyq birlestik emes, álemdik ekonomikanyń mańyzdy sýbektisine ainalǵanyn aitty. Onyń sózinshe, qazirgi geosaiasi turaqsyzdyq jaǵdaiynda Odaqqa múshe memleketter úilesimdi is-qimyl arqyly ekonomikanyń turaqtylyǵyn saqtap keledi.
Prezident jasandy intellekt tehnologiialarynyń qarqyndy damýy álemdik ekonomikaǵa túbegeili áser etip jatqanyn atap ótti. Ol halyqaralyq sarapshylardyń boljamyna súiene otyryp, aldaǵy on jylda jasandy intellekt jahandyq ishki jalpy ónimniń ósimine shamamen 7 trillion dollar qosýy múmkin ekenin aitty. Sonymen qatar, Halyqaralyq valiýta qorynyń baǵalaýynsha, jańa tehnologiialardyń engizilýi saldarynan álemdegi jumys oryndarynyń 40 paiyzyna deiin qysqarý qaýpi bar ekenin eske saldy.
Qasym-Jomart Toqaev Qazaqstanda 2026 jyl «Jasandy intellekt jáne tsifrlyq damý jyly» bolyp jariialanǵanyn aitty. Memleket basshysynyń sózinshe, elde tsifrlyq transformatsiiany jedeldetý úshin Jasandy intellekt jáne tsifrlyq damý ministrligi qurylǵan. Sondai-aq Qazaqstan NVIDIA tehnologiialary negizinde eki sýperkompiýterdi iske qosqan alǵashqy óńirlik memleketterdiń biri boldy.
Prezident Qazaqstannyń EAEO elderimen tsifrlyq transformatsiia baǵytynda yntymaqtastyqqa ashyq ekenin málimdedi. Onyń aitýynsha, kedendik rásimderdi jedeldetý, elektrondyq tsifrlyq qoltańbalardy ózara taný jáne logistika men ónerkásip salasyna jasandy intellektini engizý uiym keńistigindegi ekonomikalyq bailanysty kúsheitedi.
Memleket basshysy jańa tehnologiialar EAEO elderi arasyndaǵy «tsifrlyq alshaqtyqty» tereńdetpeýi tiis ekenin aitty. Kerisinshe, olar memleketter arasyndaǵy ekonomikalyq yqpaldastyqty nyǵaitýdyń tiimdi quralyna ainalýy qajet ekenin jetkizdi.
Forým barysynda jasandy intellektini jaýapkershilikpen damytý jónindegi birlesken málimdeme qabyldandy. Qujat EAEO elderiniń ekonomikanyń negizgi sektorlaryn tsifrlandyrýǵa qatysty ortaq ustanymyn qalyptastyrýǵa baǵyttalǵan.
