Қазақстан Тәуелсіздігіне 25 жыл

«Qazaqstan داۋىسى» جوباسىنىڭ جەڭٸمپازى انىقتالدى

«Qazaqstan داۋىسى» جوباسىنىڭ جەڭٸمپازى انىقتالدى

«Qazaqstan» تەلەارناسىندا ماۋسىم بويى كٶرەرمەننٸڭ كٶزايىمىنا اينالعان «Qazaqstan داۋىسى» جوباسى اياقتالدى. ٷزدٸكتەردٸڭ ٷزدٸگٸ ٸرٸكتەلگەن جوبانىڭ سوڭعى شىعارىلىمىندا فيناليستەر تٸكەلەي ەفيردە 2 ەن شىرقادى, دەپ حابارلايدى اتالعان تەلەارنانىڭ باسپاسٶز قىزمەتٸ.

ەر ٷمٸتكەر بٸر ەندٸ جەكە, بٸرٸن تەلٸمگەرلەرٸمەن بٸرگە ورىنداپ شىقتى. ياعني اقتىق سىندا تەلٸمگەرلەر دە بٸر-بٸرٸمەن بەسەكەگە تٷستٸ. ال جوبانىڭ جەڭٸمپازى كٶرەرمەننٸڭ داۋىسى ارقىلى انىقتالدى.

SMS-داۋىس بەرۋ نەتيجەسٸ بويىنشا:

1-ورىن – قۇرالاي مەيرامبەك

2-ورىن – ەرٸك تٶلەنوۆ

3-ورىن – ەرنار اماندىق

4-ورىن – ارۋجان ايداربەك يەلەندٸ.

سەكەن مايعازيەۆتٸڭ شەكٸرتٸ «Qazaqstan داۋىسى» جوباسىنىڭ 2021 جىلعى جەڭٸمپازى اتانىپ, 5 ميلليون تەڭگە يەلەندٸ. سونىمەن بٸرگە «قازاقستان» تەلەراديوكورپوراتسيياسى قۇرالايدىڭ ٶنەرٸنە ەرٸ قاراي قولداۋ بٸلدٸرەدٸ. وسىلايشا جارتى جىلعا جۋىق كٶرەرمەنٸن قۋانتقان باعدارلاما ٶز مەرەسٸنە جەتتٸ.

«Qazaqstan داۋىسى» - ەلەمنٸڭ 140 ەلٸندە كٶرسەتٸلگەن ەيگٸلٸ «The Voice» تەلەشوۋىنىڭ قازاقستاندىق نۇسقاسى. مۋزىكالىق باعدارلاما كٶرەرمەنگە جارتى جىل بويى ۇسىنىلىپ, رەيتينگ بويىنشا كٶش باستاپ كەلدٸ. جوباعا ۇزىن-سانى 6 مىڭنان اسا ادام قاتىستى. ونىڭ ٸشٸندە ٶزگە مەملەكەتتەن ارنايى كەلگەن تالانتتار دا بولدى.

جالپى, «كٶرمەي تاڭداۋ» كەزەڭٸنە 100 شاقتى ٷمٸتكەر ٶتتٸ. ودان سوڭ قاتىسۋشىلار «جەكپە-جەك», «جارعا جىعۋ», تٸكەلەي ەفيردەگٸ كەزەڭدەرٸندە باق سىناپ, فينالعا 4 تەلٸمگەردٸڭ 4 ٷزدٸك شەكٸرتٸ جولداما الدى.