وتاندىق تەلەۆيزييا سالاسىنا 40 جىلدان استام ۋاقىتىن ارناعان ارداگەر تەلەجۋرناليست, قازاقستان جۋرناليستەر وداعىنىڭ لاۋرەاتى تٸلەۋقابىل مىڭجاسار دٷنيەدەن ٶتتٸ, دەپ حابارلايدى ult.kz.
قارالى حاباردى جۋرناليست رينات كەرتاەۆ جەتكٸزدٸ.
تٸلەۋقابىل مىڭجاسار جۋرناليستيكانى ٶمٸرٸنٸڭ مەنٸ ساناعان كەسٸبي مامان بولدى. ول ۇزاق جىلدار بويى الماتى وبلىسىنىڭ اۋىل-ايماعىن ارالاپ, ەل ٸشٸندەگٸ ٶزەكتٸ مەسەلەلەردٸ رەسپۋبليكالىق تەلەارنا ەفيرٸنە شىعاردى. قاراپايىم حالىقتىڭ مۇڭ-مۇقتاجىن جەتكٸزٸپ, ٶڭٸردەگٸ ماڭىزدى وقيعالاردى اقپارات كەڭٸستٸگٸنە شىعارۋعا ٷلەس قوستى.
ارداگەر جۋرناليستتٸڭ كەسٸبي جولى 1975 جىلى باستالدى. سول جىلى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جۋرناليستيكا فاكۋلتەتٸن تەمامداپ, قازاق جاسٶسپٸرٸمدەر تەلەۆيدەنيەسٸندە العاشقى حابارى ەفيرگە شىقتى.
كەيٸن تٸلەۋقابىل مىڭجاسار وتاندىق تەلەۆيزييادا ۇزاق جىل ەڭبەك ەتٸپ, «حابار» اگەنتتٸگٸنٸڭ الماتى وبلىسىنداعى مەنشٸكتٸ تٸلشٸسٸ قىزمەتٸن اتقاردى. ول اگەنتتٸك قۇرىلعان كٷننەن باستاپ ۇجىممەن بٸرگە جۇمىس ٸستەدٸ.
كەسٸبي ەڭبەگٸ ەلەۋسٸز قالعان جوق. تٸلەۋقابىل مىڭجاسار «ەڭبەكتە ٷزدٸك شىققانى ٷشٸن» مەدالٸمەن, قازاقستان پرەزيدەنتٸنٸڭ العىس حاتىمەن ماراپاتتالعان. قازاقستان جۋرناليستەر وداعىنىڭ لاۋرەاتى اتانىپ, الماتى وبلىسىنىڭ قۇرمەتتٸ ازاماتى بولدى. سونداي-اق «حابار» اگەنتتٸگٸنٸڭ «التىن ميكروفونىنا» يە بولدى.
تٸلەۋقابىل مىڭجاسار تٷركٸستان قالاسىندا دٷنيەگە كەلگەن. ول عۇمىرىن جۋرناليستيكاعا ارناپ, وتاندىق تەلەۆيزييا تاريحىندا ٶزٸندٸك قولتاڭباسىن قالدىردى.
