ۋكراينالىق رەجيسسەر يگور لوپاتەنوك قر تۇڭعىش پرەزيدەنتٸ-ەلباسى نۇرسۇلتان نازارباەۆ تۋرالى «Qazaq. التىن ادام تاريحى» فيلمٸ تەلەديدارعا جول تارتپاس بۇرىن كينوتەاترلاردا كٶرسەتٸلەتٸنٸن ايتتى, دەپ حابارلايدى قازاقپارات.
«بٸز فيلم الدىمەن كينوتەاترلاردا كٶرسەتٸلٸپ, سودان كەيٸن عانا تەلەديدارعا شىعادى دەپ ٷمٸتتەنەمٸز. بۇل قالاي بولاتىنىن كٶرەمٸز. تۋىندىنىڭ ناعىز باعاسىن كٶرەرمەن بەرەدٸ. جالعىز ٶلشەم – وسى. مەن بٷگٸن باسپاسٶز مەسليحاتىندا ايتتىم, سىنشىلاردىڭ ايتقانىن وقىمايمىن. سەبەبٸ ولار ەشقاشان ٶزدەرٸ فيلم تٷسٸرمەيدٸ. بٸز بۇل سۋرەتتٸ سىنشىلار ٷشٸن ەمەس, كٶرەرمەن ٷشٸن جاسادىق. بٸز ٷشٸن تەك كٶرەرمەننٸڭ پٸكٸرٸ ماڭىزدى», - دەدٸ يگور لوپاتەنوك باق ٶكٸلدەرٸنە.
رەجيسسەر تۋىندىنىڭ نەعۇرلىم اۋقىمدى اۋديتورييا جيناۋىنا مٷددەلٸ ەكەنٸن ايتتى.
«بٸز فيلم مەيلٸنشە كٶپ اۋديتوريياعا جەتۋٸ ٷشٸن توعىز اي بويى قولداۋ كٶرسەتەمٸز. فيلم تانىمالدىعىنىڭ شارىقتاۋ شەگٸ 2022 جىلدىڭ سەۋٸرٸنە كەلەدٸ دەپ ويلايمىن. تۋىندىنىڭ بٷگٸنگٸ نۇسقاسى كينوتەاترلارعا ارناپ جاسالعان. مەنٸڭ ويىمشا, وسىنداي قالىپ كٶپتەگەن جىلدار بويى ٶزەكتٸ بولادى», - دەيدٸ اۆتور.
