Qatar Airways ەۋە كومپانيياسى COVID-19 پاندەميياسىمەن كٷرەسكەن مەديتسينا قىزمەتكەرلەرٸنە العىس رەتٸندە ۇشاققا مٸنۋگە 100 000 تەگٸن بيلەت سىيلايدى, دەپ حابارلايدى "ۇلت اقپارات" ەۋە كومپانيياسىنىڭ رەسمي سايتىنا سٸلتەمە جاساپ.
بۇل بٸرەگەي اكتسييا 12 مامىر كٷنٸ باستالىپ, 18 مامىردا, دوحا ۋاقىتىمەن ساعات 23:59-دا اياقتالادى. مەديتسينالىق قىزمەتكەرلەر qatarairways.com/ThankYouHeroes كومپانيياسىنىڭ سايتىندا تٸركەلٸپ, كەزەك تەرتٸبٸندە بەرٸلەتٸن پرومو-كودتى الۋ ٷشٸن ارنايى ٷلگٸنٸ تولتىرۋى تيٸس.
بيلەتتٸ ەلەمنٸڭ كەز كەلگەن ەلٸندە تۇراتىن مەديتسينالىق قىزمەتكەرلەر الۋعا قۇقىلى. بيلەتتٸ الۋ ەدٸل بولۋ ٷشٸن ەربٸر ەل 12-18 مامىر ارالىعىندا تۇرعىندار سانىنا بايلانىستى بيلەتتەردٸڭ بەلگٸلٸ بٸر سانىن الادى.
پرومو-كود العان مەديتسينالىق قىزمەتكەرلەر ەۋە كومپانيياسى ۇشاتىن كەز كەلگەن نٷكتەگە ەكٸ ادام – ٶزٸ جەنە سەرٸگٸنە بارىپ-كەلۋگە مٷمكٸندٸك بەرەتٸن ەكونوم كلاستاعى ەكٸ تەگٸن بيلەت الا الادى. بيلەتتەر 26 مامىرعا دەيٸن بروندالۋى تيٸس, بۇل رەتتە ولاردى 2020 جىلدىڭ 10 جەلتوقسانىنا دەيٸن پايدالانۋعا بولادى.
