Qatar Airways áýe kompaniiasy COVID-19 pandemiiasymen kúresken meditsina qyzmetkerlerine alǵys retinde ushaqqa minýge 100 000 tegin bilet syilaidy, dep habarlaidy "Ult aqparat" áýe kompaniiasynyń resmi saityna silteme jasap.
Bul biregei aktsiia 12 mamyr kúni bastalyp, 18 mamyrda, Doha ýaqytymen saǵat 23:59-da aiaqtalady. Meditsinalyq qyzmetkerler qatarairways.com/ThankYouHeroes kompaniiasynyń saitynda tirkelip, kezek tártibinde beriletin promo-kodty alý úshin arnaiy úlgini toltyrýy tiis.
Biletti álemniń kez kelgen elinde turatyn meditsinalyq qyzmetkerler alýǵa quqyly. Biletti alý ádil bolý úshin árbir el 12-18 mamyr aralyǵynda turǵyndar sanyna bailanysty biletterdiń belgili bir sanyn alady.
Promo-kod alǵan meditsinalyq qyzmetkerler áýe kompaniiasy ushatyn kez kelgen núktege eki adam – ózi jáne serigine baryp-kelýge múmkindik beretin ekonom klastaǵy eki tegin bilet ala alady. Biletter 26 mamyrǵa deiin brondalýy tiis, bul rette olardy 2020 jyldyń 10 jeltoqsanyna deiin paidalanýǵa bolady.
