قاسكەلەڭ قالاسىنداعى پەرزەنتحانادا دٷنيەگە كەلگەن شالا تۋعان ٷشەم شەتٸنەپ كەتتٸ. قارا جامىلعان وتباسى وقيعانىڭ مەن-جايىن جان-جاقتى تەكسەرٸپ, كٸنەلٸلەردٸ جاۋاپقا تارتۋدى تالاپ ەتٸپ وتىر. بۇل تۋرالى كتك تەلەارناسى حابارلادى, دەپ حابارلايدى ult.kz.
تەلەارنا مەلٸمەتٸنشە, 28 جاستاعى جٷكتٸ ەيەل ٶتكەن جۇما كٷنٸ جٷكتٸلٸكتٸڭ 25-اپتاسىندا قاعاناعى جارىلىپ, قاسكەلەڭدەگٸ پەرزەنتحاناعا جەتكٸزٸلگەن. دەرٸگەرلەر تولعاق شاقىرىپ, ەيەلدٸ تابيعي جولمەن بوساندىرۋ تۋرالى شەشٸم قابىلداعان.
مارقۇم سەبيلەردٸڭ ەجەسٸ گٷلجەميلا تٶلەشوۆانىڭ ايتۋىنشا, وتباسى ەيەلدٸ كٶپبەيٸندٸ ورتالىققا جٸبەرٸپ, كەسار تٸلٸگٸن جاساۋدى سۇراعان. الايدا دەرٸگەرلەر مۇنى قاجەت دەپ ساناماعان.
ونىڭ سٶزٸنشە, تاڭعى ساعات جەتٸ شاماسىندا ٷشەم دٷنيەگە كەلگەن. بٸراز ۋاقىتتان كەيٸن دەرٸگەرلەر العاشقى ەكٸ نەرەستەنٸڭ شەتٸنەپ كەتكەنٸن حابارلاعان. ال وتباسى ٷشٸنشٸ سەبي امان قالعان دەپ ويلاعانىمەن, كەيٸن ونىڭ دا كٶز جۇمعانى بەلگٸلٸ بولعان.
تۋىستارى دەرٸگەرلەر ٷشٸنشٸ نەرەستەنٸڭ قايتىس بولعانىن بٸردەن حابارلاماعانىن ايتىپ, بۇل جاعدايعا تٷسٸنٸكتەمە بەرۋدٸ تالاپ ەتۋدە.
سونداي-اق ولار جٷكتٸلٸك بەس ايعا دەيٸن قالىپتى ٶتكەنٸن, ەيەلدٸڭ دەرٸگەرلەردٸڭ باقىلاۋىندا بولىپ, قاجەتتٸ ەم-دومدى تولىق قابىلداعانىن جەتكٸزدٸ.
قايعىلى جاعدايدان كەيٸن وتباسى شاقالاقتاردى جەر قوينىنا تاپسىرعان. الايدا ولار وقيعانىڭ ناقتى سەبەبٸن انىقتاۋ ٷشٸن ەكسگۋماتسييا جٷرگٸزۋدٸ جەنە تەۋەلسٸز تەكسەرٸس ۇيىمداستىرۋدى سۇراپ وتىر.
ٶز كەزەگٸندە قاراساي كلينيكالىق كٶپبەيٸندٸ ورتالىق اۋداندىق اۋرۋحاناسى جٷكتٸلٸكتٸڭ 25-اپتاسىندا ٷشەمدٸ بوساندىرۋ اسا اۋىر ەرٸ شۇعىل مەديتسينالىق كٶمەكتٸ قاجەت ەتەتٸن جاعداي ەكەنٸن مەلٸمدەدٸ.
مەكەمە مەلٸمەتٸنشە, ٷش نەرەستە دە ٶتە تٶمەن سالماقپەن دٷنيەگە كەلگەن. سالماعى 500 گرامعا دەيٸنگٸ شالا تۋعان سەبيلەر ەكسترەمالدى تٶمەن سالماق ساناتىنا جاتادى, مۇنداي جاعدايدا ولاردىڭ ٶكپەسٸ مەن ورتالىق جٷيكە جٷيەسٸ تولىق جەتٸلمەيدٸ.
اۋرۋحانادا اتالعان وقيعا بويىنشا كٶرسەتٸلگەن مەديتسينالىق كٶمەكتٸڭ ساپاسىنا ٸشكٸ قىزمەتتٸك اۋديت جٷرگٸزٸلٸپ جاتقانىن حابارلادى.
قازٸرگٸ ۋاقىتتا ٷش سەبيٸنەن ايىرىلعان انا پەرزەنتحانادا ەم قابىلداپ جاتىر. بۇل ونىڭ ٷشٸنشٸ جٷكتٸلٸگٸ بولعان. ەرلٸ-زايىپتىنىڭ بۇعان دەيٸن ەكٸ بالاسى بار. وتباسى قايعىلى وقيعاعا قاتىستى جان-جاقتى تەرگەۋ جٷرگٸزٸلٸپ, جاۋاپتى تۇلعالاردىڭ زاڭ الدىندا جاۋاپ بەرۋٸن تالاپ ەتٸپ وتىر.
