2015 جىلدىڭ 24 ناۋرىزىندا يسپانييانىڭ بارسەلونا قالاسىنان گەرمانييانىڭ ديۋسسەلدورف قالاسىنا بەت العان Germanwings 9525 رەيسٸ فرانتسييانىڭ وڭتٷستٸگٸندەگٸ الپٸ تاۋلارىنا سوعىلىپ, بورتتاعى 150 ادامنىڭ بارلىعى – 144 جولاۋشى مەن 6 ەكيپاج مٷشەسٸ قازا تاپتى. بۇل ەۋروپا اۆياتسيياسى تاريحىنداعى ەڭ سۇمدىق ەرٸ قوعامدى دٷر سٸلكٸندٸرگەن وقيعالاردىڭ بٸرٸ رەتٸندە ەستە قالدى, دەپ حابارلايدى ult.kz.
ۇشاق ەۋەگە كٶتەرٸلگەننەن كەيٸن شامامەن جارتى ساعات ٶتكەندە كاپيتان ۇشقىش كابينادان ۋاقىتشا شىعىپ كەتكەن. سول سەتتە كابينادا قالعان ەكٸنشٸ ۇشقىش اندرەاس لۋبيتس ەسٸكتٸ ٸشٸنەن جاۋىپ, كاپيتاندى قايتا كٸرگٸزبەگەن. كابيناداعى دىبىس جازعىشتان كاپيتاننىڭ ەسٸكتٸ قايتا-قايتا قاعىپ, كەيٸن ونى بۇزۋعا ەرەكەت جاساعانى انىق ەستٸلگەن. الايدا ەسٸك اشىلماعان.
وسى كەزدە ۇشاق بٸرتٸندەپ تٶمەندەي باستاعان. ەۋە ديسپەتچەرلەرٸ ەكيپاجمەن بٸرنەشە رەت بايلانىسۋعا تىرىسقانىمەن, ەشقانداي جاۋاپ الا الماعان. ۇشاقتىڭ ٸشٸندە وتىرعان جولاۋشىلار سوڭعى سەتتەردە نە بولىپ جاتقانىن تٷسٸنٸپ, ٷرەيگە بوي الدىرعانى تۋرالى تەرگەۋ ماتەريالدارىندا ايتىلدى. بٸرنەشە مينۋتتان كەيٸن Airbus A320 ۇشاعى شامامەن 700 كم/ساعجىلدامدىقپەن فرانتسييا الپٸسٸنٸڭ جارتاسىنا سوعىلىپ, تٷگەلدەي بىت-شىت بولدى. امان قالعان ەشكٸم بولعان جوق.
تەرگەۋ بارىسىندا قارا جەشٸكتەردەگٸ جازبالار زەرتتەلٸپ, اپاتتىڭ تەحنيكالىق اقاۋدان ەمەس, ەكٸنشٸ ۇشقىشتىڭ قاساقانا ەرەكەتٸنەن بولعانى انىقتالدى. بەلگٸلٸ بولعانداي, اندرەاس لۋبيتس بۇرىن پسيحولوگييالىق قيىندىقتارعا تاپ بولىپ, دەپرەسسييادان ەم قابىلداعان. كەيٸن ونىڭ جۇمىسقا جارامسىز ەكەنٸ تۋرالى دەرٸگەر انىقتامالارىن جىرتىپ تاستاعانى جەنە بۇل تۋرالى جۇمىس بەرۋشٸگە حابارلاماعانى بەلگٸلٸ بولدى.
بۇل قايعىلى وقيعادان كەيٸن ەلەمنٸڭ كٶپتەگەن ەۋە كومپانييالارى قاۋٸپسٸزدٸك ەرەجەلەرٸن قايتا قارادى. سونىڭ ٸشٸندە, كٶپتەگەن ەلدەردە ۇشقىش كابيناسىندا ەردايىم كەمٸندە ەكٸ ادام بولۋى تيٸس دەگەن تالاپ ەنگٸزٸلدٸ. سونداي-اق ۇشقىشتاردىڭ پسيحولوگييالىق جاعدايىن باقىلاۋ كٷشەيتٸلٸپ, مەديتسينالىق تەكسەرۋلەردٸڭ تەرتٸبٸ قاتاڭداتىلدى.
