استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى QARMET كەسٸپورنىنا 1,5 ملرد تەڭگەدەن استام زالال كەلتٸرگەن ۇيىمداسقان قىلمىستىق توپتىڭ 13 مٷشەسٸن كٸنەلٸ دەپ تانىدى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, 2021 جىلدىڭ قاڭتارىنان 2023 جىلدىڭ جەلتوقسانىنا دەيٸن سوتتالۋشى ا.-نىڭ باسشىلىعىمەن توپ مٷشەلەرٸ QARMET-كە ساپالى مەتالل سىنىقتارىنىڭ ورنىنا شلاك, قۇم, قيىرشىق تاس جەنە ٶزگە دە قوسپالار ارالاس قالدىقتاردى جەتكٸزٸپ وتىرعان.
قىلمىستىق توپ مٷشەلەرٸ اراسىندا الدىن الا مٸندەتتەر بٶلٸنگەن. ولار ۆاگونداردىڭ كەدەرگٸسٸز ٶتۋٸن, جٷكتٸڭ تەز تٷسٸرٸلۋٸن جەنە قالدىق كٶلەمٸ تۋرالى كٶرسەتكٸشتەردٸڭ ەدەيٸ تٶمەندەتٸلۋٸن ۇيىمداستىرعان.
سوت انىقتاعان زالال كٶلەمٸ 1 ملرد 503 ملن 954 مىڭ تەڭگەنٸ قۇرادى.
مەملەكەتتٸك ايىپتاۋشىلاردىڭ ۇستانىمىن ەسكەرە وتىرىپ, سوت قىلمىستىق جولمەن الىنعان قاراجاتقا ساتىپ الىنعان كٶلٸك پەن جىلجىمايتىن مٷلٸكتٸ, سونداي-اق بانك شوتتارىنداعى قاراجاتتى مەملەكەت كٸرٸسٸنە تەركٸلەۋ تۋرالى شەشٸم شىعاردى. تەركٸلەنگەن مٷلٸكتٸڭ جالپى قۇنى شامامەن 1 ملرد تەڭگە بولدى.
بۇدان بٶلەك, سوت QARMET اق-نىڭ ازاماتتىق تالابىن قاناعاتتاندىرىپ, سوتتالعانداردان ورتاق تەرتٸپپەن 803 ملن 954 مىڭ 694 تەڭگە ٶندٸرٸپ الۋ تۋرالى شەشٸم قابىلدادى.
ٷكٸم ەزٸرگە زاڭدى كٷشٸنە ەنگەن جوق.
