قاراعاندىدا زەينەتكەرگە قاراقشىلىق شابۋىل جاساپ, التىن القاسىن جۇلىپ كەتكەن دەگەن كٷدٸكپەن 30 جاستاعى قالا تۇرعىنى ۇستالدى. تەرگەۋ بارىسىندا ونىڭ ۇرلىققا دا قاتىسى بارى انىقتالدى, دەپ حابارلايدى ult.kz.
Polisia.kz مەلٸمەتٸنشە, وقيعا دٷيسەنبٸ كٷنٸ كٷندٸز بولعان. 67 جاستاعى ەيەل دٷكەننەن ٷيٸنە قايتىپ كەلە جاتقاندا, ارتىنان جٷگٸرٸپ كەلگەن بەلگٸسٸز ەر ادام موينىنداعى التىن القانى جۇلىپ الىپ, وقيعا ورنىنان قاشىپ كەتكەن. جەبٸرلەنۋشٸ كەلتٸرٸلگەن شىعىندى 400 مىڭ تەڭگەگە باعالاعان.
زەينەتكەر بٸردەن پوليتسيياعا حابارلاسىپ, كٷدٸكتٸنٸڭ سىرتقى كەلبەتٸن ناقتى سيپاتتاپ بەرگەن. جەدەل ٸزدەستٸرۋ شارالارىنىڭ نەتيجەسٸندە تەرتٸپ ساقشىلارى كٷدٸكتٸنٸڭ جەكە باسىن انىقتاپ, ونى قىسقا ۋاقىت ٸشٸندە ۇستادى.
كٷدٸكتٸ ٶز كٸنەسٸن تولىق مويىنداپ, ۇرلانعان التىن القانى لومباردقا ٶتكٸزٸپ ٷلگەرگەنٸن ايتقان. الايدا پوليتسەيلەر زەرگەرلٸك بۇيىمدى ايعاقتى زات رەتٸندە تەركٸلەپ, قايتارىپ الدى.
تەرگەۋ بارىسىندا كٷدٸكتٸنٸڭ بۇل قىلمىستى الدىن الا جوسپارلاماعانى بەلگٸلٸ بولعان. الايدا وعان دەيٸن ۆەلوسيپەد ۇرلاعانى انىقتالدى. تەرگەۋ نۇسقاسىنا سەيكەس, ول ۇرلانعان ۆەلوسيپەدپەن كەلە جاتىپ, موينىندا التىن القاسى بار زەينەتكەردٸ بايقايدى. كەيٸن ۆەلوسيپەدتٸ جاقىن ماڭداعى اۋلالاردىڭ بٸرٸنە قالدىرىپ, ەيەلگە شابۋىل جاساپ, القانى جۇلىپ العان سوڭ قايتادان ۆەلوسيپەدكە مٸنٸپ, ٸزٸن سۋىتقان.
قازٸرگٸ ۋاقىتتا ۇرلانعان ۆەلوسيپەدتٸڭ زاڭدى يەسٸ انىقتالىپ, مٷلكٸ ٶزٸنە قايتارىلعان.
كٷدٸكتٸ سوتقا دەيٸنگٸ تەرگەپ-تەكسەرۋ كەزەڭٸنە ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر. پوليتسەيلەر ونىڭ وسىعان ۇقساس ٶزگە دە قىلمىستارعا قاتىسى بار-جوعىن تەكسەرۋدە.
