قازاقستاندا بيىل شامامەن 15 مىڭ سوتتالعان ادام راقىمشىلىققا ٸلٸنۋٸ مٷمكٸن. بۇل تۋرالى قر ٸشكٸ ٸستەر مينيسترٸنٸڭ ورىنباسارى – قىلمىستىق-اتقارۋ جٷيەسٸ كوميتەتٸنٸڭ تٶراعاسى اباي قايىربەكوۆ مەلٸمدەدٸ, دەپ حابارلايدى ult.kz.
مەجٸلٸستٸڭ جالپى وتىرىسىندا دەپۋتاتتار راقىمشىلىققا قامتىلاتىن ازاماتتاردىڭ سانىنا قاتىستى ساۋال جولدادى. جاۋاپ بەرگەن اباي قايىربەكوۆ الدىن الا ەسەپ بويىنشا راقىمشىلىق شامامەن 15 مىڭ ادامعا قولدانىلاتىنىن ايتتى.
ونىڭ مەلٸمەتٸنشە, ولاردىڭ 5 مىڭنان استامى باس بوستاندىعىنان ايىرۋ ورىندارىندا جازاسىن ٶتەپ جاتقان ازاماتتار بولسا, 10 مىڭعا جۋىعى پروباتسييالىق باقىلاۋداعىلار.
سونداي-اق كوميتەت تٶراعاسى ٶتكەن جىلعى راقىمشىلىق نەتيجەلەرٸنە توقتالدى. ونىڭ ايتۋىنشا, بىلتىر 15 مىڭ سوتتالعاننىڭ جازاسى جەڭٸلدەتٸلٸپ, 2,3 مىڭ ادام مەرزٸمٸنەن بۇرىن بوساتىلعان. الايدا ولاردىڭ سەگٸزٸ كەيٸن قايتا قىلمىس جاساپ, قىلمىستىق جاۋاپكەرشٸلٸككە تارتىلعان.
وسىعان بايلانىستى جاڭا زاڭ جوباسىندا بۇرىن راقىمشىلىققا ٸلٸنٸپ, كەيٸن قايتا قىلمىس جاساعان ازاماتتارعا راقىمشىلىق قولدانۋدى شەكتەۋ قاراستىرىلعان.
ايتا كەتەيٸك, بۇعان دەيٸن ٸشكٸ ٸستەر مينيسترٸنٸڭ ورىنباسارى سانجار ەدٸلوۆ ەلدەگٸ راقىمشىلىق شارالارىنىڭ الدىن الا تەتٸكتەرٸ ەزٸرلەنگەنٸن حابارلاعان بولاتىن.
