Qazaqstanda biyl shamamen 15 myń sottalǵan adam raqymshylyqqa ilinýi múmkin. Bul týraly QR Ishki ister ministriniń orynbasary – Qylmystyq-atqarý júiesi komitetiniń tóraǵasy Abai Qaiyrbekov málimdedi, dep habarlaidy ult.kz.
Májilistiń jalpy otyrysynda depýtattar raqymshylyqqa qamtylatyn azamattardyń sanyna qatysty saýal joldady. Jaýap bergen Abai Qaiyrbekov aldyn ala esep boiynsha raqymshylyq shamamen 15 myń adamǵa qoldanylatynyn aitty.
Onyń málimetinshe, olardyń 5 myńnan astamy bas bostandyǵynan aiyrý oryndarynda jazasyn ótep jatqan azamattar bolsa, 10 myńǵa jýyǵy probatsiialyq baqylaýdaǵylar.
Sondai-aq komitet tóraǵasy ótken jylǵy raqymshylyq nátijelerine toqtaldy. Onyń aitýynsha, byltyr 15 myń sottalǵannyń jazasy jeńildetilip, 2,3 myń adam merziminen buryn bosatylǵan. Alaida olardyń segizi keiin qaita qylmys jasap, qylmystyq jaýapkershilikke tartylǵan.
Osyǵan bailanysty jańa zań jobasynda buryn raqymshylyqqa ilinip, keiin qaita qylmys jasaǵan azamattarǵa raqymshylyq qoldanýdy shekteý qarastyrylǵan.
Aita keteiik, buǵan deiin Ishki ister ministriniń orynbasary Sanjar Ádilov eldegi raqymshylyq sharalarynyń aldyn ala tetikteri ázirlengenin habarlaǵan bolatyn.
