قازاقستاندىق, ەلەمنٸڭ 31-راكەتكاسى يۋلييا پۋتينتسەۆا چارلستون (اقش) WTA 500 تۋرنيرٸنٸڭ جارتىلاي فينالىنا شىعا المادى, دەپ حابارلايدى "ۇلت اقپارات".
وسى دودانىڭ 11-راكەتكاسى بولىپ تٸركەلگەن يۋ.پۋتينتسەۆا شيرەك فينالدا دٷنيەجٷزٸلٸك رەيتينگتە 91-ورىندا تۇرعان چەرنوگورييالىق دانكا كوۆينيچپەن كٷش سىناستى.
رەيتينگٸسٸ تٶمەن بولعانىمەن, چەرنوگورييالىق تەننيسشٸ وڭاي شاعىلاتىن جاڭعاق ەمەس, تەجٸريبەسٸ دە بارشىلىق. ول ٷشٸنشٸ اينالىمدا ەلەمنٸڭ 11-راكەتكاسى, چەحييالىق پەترا كۆيتوۆانى 6:4, 6:1 ەسەبٸمەن جەڭٸپ كەتكەن بولاتىن.
قارسىلاستار وسىعان دەيٸن ٶزارا ەكٸ مەرتە كەزدەسسە, سونىڭ ەكەۋٸندە دە قازاقستاندىق تەننيسشٸ جەڭٸسكە جەتكەن ەكەن.
بٸرٸنشٸ پارتييادا الدىمەن چەرنوگورييالىق سپورتشى برەيكپەن العا شىققانىمەن, يۋ.پۋتينتسەۆا تارازى باسىن تەڭەستٸردٸ. سودان سوڭ د.كوۆينيچ تاعى العا كەتتٸ – 4:2. دەگەنمەن يۋلييا برەيك جاساپ, ەسەپتٸ قايتا تەڭەستٸردٸ – 4:4. تاي-برەيكتە پۋتينتسەۆا جاقسى وينادى – 7:6 (7:2).
ەكٸنشٸ سەتتە ەسەپ 3:3 بولعان مەزەتتە قارسىلاسىنىڭ قاتەلٸگٸن پايدالانعان د.كوۆينيچ برەيك جاساي الدى. يۋ.پۋتينتسەۆا تارازى باسىن تەڭەستٸرگەنٸمەن, كوۆينيچ تاعى بٸر برەيككە قول جەتكٸزدٸ. سوسىن سەتكە دوپ بەرگەندە, مٷمكٸندٸگٸن مٷلت جٸبەرگەن جوق – 7:5.
ٷشٸنشٸ, شەشۋشٸ سەتتە چەرنوگورييالىق تەننيسشٸ 4:0 ەسەبٸمەن العا كەتتٸ. اقىرى ماتچتى تاعى بٸر برەيكپەن تٷيٸندەدٸ – 6:1.
تارتىستى بەسەكە 2 ساعات 52 مينۋتقا سوزىلدى.
د.كوۆينيچ جٷلدە قورى 565 مىڭ اقش دوللارىنان اساتىن جارىستىڭ فينالىنا شىعۋ ٷشٸن ەلەمنٸڭ 28-راكەتكاسى, تۋنيس ٶكٸلٸ ونس جابەر نەمەسە رەيتينگتە 36-ساتىداعى امەريكالىق كوري گاۋفتىڭ بٸرەۋٸمەن تالاسادى.
