فوتو: سكرينشوت
3 مامىرعا قاراعان تٷنٸ ۋكراينانىڭ ەكٸ درونى رەسەي پرەزيدەنتٸ ۆلاديمير پۋتيننٸڭ كرەملدەگٸ رەزيدەنتسيياسىنا شابۋىل جاساماق بولدى, دەپ مەلٸمدەدٸ كرەملدٸڭ باسپاسٶز قىزمەتٸ.
كرەملشٸل "ريا نوۆوستي" اگەنتتٸگٸ "ەكٸ درون اپپاراتى كرەملگە باعىتتالعانىن" جازدى.
"درونداردى ەسكەريلەر مەن ارنايى قىزمەت اتىپ تٷسٸردٸ, زارداپ شەككەندەر جوق. پۋتيننٸڭ جۇمىس كەستەسٸ ٶزگەرگەن جوق" دەيدٸ اگەنتتٸك.
"سوسەدي. ياكينمانكا-زاموسكۆورەچە" تەلەگرام-ارناسى كرەملگە جاقىن ماڭداعى سەرفيموۆيچ كٶشەسٸندەگٸ تۇرعىندار كٷن كٷركٸرەگەندەي داۋىس ەستٸپ, اسپاندا جارق ەتكەن سەتتٸ كٶرگەنٸن جازدى.
ينتەرنەتتە تاراعان ۆيدەولاردا كرەمل ماڭىندا بۋداقتاعان تٷتٸن بايقالادى. رەسەيلٸك اگەنتتٸكتەردٸڭ جازۋىنشا, كرەمل بۇل وقيعانى "تەررورلىق ەرەكەت جەنە پرەزيدەنتكە قاستاندىق" دەپ باعالاپ, وعان جاۋاپ قايتارۋى مٷمكٸن ەكەنٸن ايتقان.
ۋكراينا پرەزيدەنتٸنٸڭ باسپاسٶز حاتشىسى سەرگەي نيكيفوروۆ رەسەي تارابىنىڭ درون شابۋىلى جايلى مەلٸمدەمەسٸن جوققا شىعارىپ, ۋكراينانىڭ كرەملگە شابۋىل جاساۋ نيەتٸ بولماعانىن ايتتى. ول ۆۆس سايتىنا "كيەۆتٸڭ ماقساتى - مەسكەۋ ەمەس, وككۋپاتسييالانعان اۋماقتارىن بوساتۋ" دەپ مەلٸمدەدٸ.
