اۆسترييانىڭ بۇرىنعى سىرتقى ٸستەر مينيسترٸ كارين كنايسل رەسەيلٸك "روسنەفت" مەملەكەتتٸك كومپانيياسى ديرەكتورلار كەڭەسٸنٸڭ قۇرامىنا كٸردٸ. بۇل تۋرالى كومپانييا تاراتقان رەسمي حابارلامادا ايتىلعان. كەڭەس قۇرامى اكتسيونەرلەردٸڭ جىل سايىن ٶتەتٸن جيىنىندا بەكٸتٸلگەن.
كنايسل اۆسترييانىڭ سىرتقى ٸستەر مينيسترلٸگٸن 2017-2019 جىلدارى باسقارعان. 2018 جىلى رەسەي باسشىسى ۆلاديمير پۋتين ونىڭ تويىنا بارىپ, قالىڭدىقپەن بيلەگەن. بۇل تويعا پۋتين جەكە ساپارمەن بارعان.
كنايسلدى سىرتقى ٸستەر مينيستر قىزمەتٸنە رەسەيمەن قارىم-قاتىناستى جاقسارتۋدى قولدايتىن وڭشىل ەركٸندٸك پارتيياسى ۇسىنعان. اۆسترييا رەسەيلٸك "سولتٷستٸك اعىس – 2" گاز قۇبىرى جوباسىنا قاتىسادى. كانتسلەر سەباستيان كۋرتس رەسەيگە جاڭا سانكتسييا سالۋدى قولدامايدى.
كنايسلدەن بٶلەك, "روسنەفت" كومپانيياسى ديرەكتورلار كەڭەسٸنٸڭ قۇرامىنا گەرمانييانىڭ بۇرىنعى كانتسلەرٸ شرەدەر, BP ۇلتتىق مۇناي كومپانيياسىنىڭ باس اتقارۋشى ديرەكتورى بەرنارد لۋني جەنە تاعى 9 ادام ەنگەن.
