رەسەي پرەزيدەنتٸ ۆلاديمير پۋتين نوبەل سىيلىعىنىڭ لاۋرەاتى دميتريي مۋراتوۆتىڭ "شەتەل اگەنتتەرٸ" تٸزٸمٸنە ەنۋٸ مٷمكٸن ەكەنٸ جايلى اقپاراتقا پٸكٸرٸن ايتتى.
پرەزيدەنتتٸڭ پٸكٸرٸنشە, "نوۆايا گازەتا" باسىلىمىنىڭ باس رەداكتورى "سىيلىقتى قالقان قىلىپ جاسىرىنباۋى تيٸس", ەگەر زاڭ بۇزسا, ول ونى قۇتقارا المايدى دەدٸ.
مۋراتوۆ جايلى سۇراق پۋتينگە 13 قازاندا مەسكەۋدە ٶتكەن "رەسەي ەنەرگەتيكا اپتالىعىنىڭ" پلەنارلىق سەسسيياسىندا قويىلعان. بۇعان دەيٸن رەسەي زاڭى بويىنشا قارجىلاي سىياقى العان جۋرناليست شەتەل اگەنتٸ رەتٸندە جارييالانۋى مٷمكٸن ەكەنٸ ايتىلعان. مۋراتوۆتىڭ پٸكٸرٸنشە, بيلٸك ونى جەنە "نوۆايا گازەتانى" تٸزٸمگە قوساتىنداي سونشالىقتى اقىماق ەمەس.
مۋراتوۆ – پوستسوۆەتتٸك رەسەيدە نوبەل سىيلىعىنا يە بولعان العاشقى لاۋرەات. ونىڭ سىيلىقتى يەمدەنگەنٸ 8 قازاندا بەلگٸلٸ بولدى. ونىمەن بٸرگە سىيلىق فيليپپيندٸك زەرتتەۋشٸ جۋرناليست مارييا رەسساعا دا بەرٸلدٸ.
پۋتين العاش رەت سىيلىققا بايلانىستى پٸكٸرٸن ايتىپ تۇر. ول سىيلىققا يە بولىپ وتىرعان رەسەيدٸڭ تٶرتٸنشٸ ازاماتىن قۇتتىقتاعان جوق. كرەمل اتىنان مۋراتوۆتى پرەزيدەنت باسپاسٶز حاتشىسى دميتريي پەسكوۆ قۇتتىقتاعان.
پۋتين سەرسەنبٸ كٷنگٸ سەسسييا كەزٸندە رەسەي وپپوزيتسيياسى جٶنٸندە دە پٸكٸرٸن ايتقان.
"تۇتاس العاندا بٸزدە وپپوزيتسييا بار, بەلسەندٸ, بيلٸكتٸ سىنايدى, سىناعاندا قاتاڭ سىنايدى, مٷمكٸن باسقا ەلدەردە ونداي جوق بولار. كەيبٸر رەسەيلٸك اقپارات قۇرالدارىن قوسىڭىزشى, بەرٸ انىق بولا قالادى. ولار جۇمىس ٸستەپ جاتىر, ەشكٸم ولارعا تيٸسٸپ جاتقان جوق, بەرٸ دۇرىس. ودان بٶلەك, "گازپرومنان" اقشا الادى. "گازپروم" ەۋروپاعا گاز ساتادى دا, وپپوزيتسييالىق باق-تى قارجىلاندىرادى" دەدٸ ول. پۋتين بۇل تۇستا "گازپروم-مەديا" حولدينگٸنە قارايتىن راديوستانتسييانى مەڭزەپ وتىر.
قۇقىق قورعاۋشىلار ساياسي تۇتقىن دەپ تانىعان ناۆالنىي ٸسٸنە توقتالعان پۋتين ونىڭ قىلمىسى ٷشٸن تٷرمەگە قامالعانىن ايتتى. ەدەتتەگٸدەي ول ناۆالنىيدىڭ اتى-جٶنٸن ايتپادى.
