21 قىركٷيەكتە رەسەي پرەزيدەنتٸ ۆلاديمير پۋتين ەلدە ٸشٸنارا موبيليزاتسييا جارييالاعان سوڭ مەسكەۋدەن رەسەي ازاماتتارى ۆيزاسىز كٸرە الاتىن ەلدەرگە ۇشاق بيلەتتەرٸ لەزدە ساتىلىپ كەتتٸ, دەپ حابارلايدى ازاتتىق.
"ۆەرستكا" مەن "مەدۋزا" سايتتارىنىڭ جازۋىنشا, قازٸر مەسكەۋدە 21 قىركٷيەككە ستامبۋل, ەرەۆان, مينسك, باكۋ, تاشكەنتكە ۇشاتىن ۇشاقتارعا بيلەت جوق.
ال "اەروفلوت" سايتىندا مەسكەۋدەن مينسكٸگە 22 قىركٷيەكتە ۇشاتىن رەيستٸڭ بيلەتٸ – ەكونوم كلاسس 43106 رۋبل (310 مىڭ تەڭگە), بيزنەس كلاسس 106631 رۋبل (767 مىڭ تەڭگە) بولىپ تۇر.
بەلارۋس پەن رەسەي اراسىنداعى كەلٸسٸمگە ساي, ەكٸ ەلدٸڭ ازاماتتارى ٸشكٸ تٶلقۇجاتپەن كٸرە بەرەدٸ, شەكارادا تەكسەرٸس جوق. قۇجاتتى رەيس ورىندايتىن كومپانييالاردىڭ (اۆتوبۋس, پويىز, ۇشاق) قىزمەتكەرلەرٸ عانا تەكسەرەدٸ.
قازٸر "بەلاۆيا" كومپانيياسىنىڭ مەسكەۋدەن مينسكٸگە 21 قىركٷيەككە رەيسٸن مٷلدەم الىپ تاستاعان. بۇل ەۋە كومپانيياسىنىڭ مينسكٸدەن ەرەۆان, ستامبۋل, الماتى, تبيليسي, باتۋمي, كۋتايسيگە دە 21 قىركٷيەكتەگٸ رەيستەرٸ ۇشپايدى.
بٷگٸنگە, 21 قىركٷيەككە رەسەيدەن بەلارۋسكە اۆتوبۋس پەن پويىز عانا بار.
21 قىركٷيەكتە پۋتين ەلدە ٸشٸنارا موبيليزاتسييا جارييالاپ, ەسكەرگە زاپاستاعى ەسكەريلەر, قارۋلى كٷشتەر قاتارىندا بۇرىن قىزمەت ەتكەندەر, تەجٸريبەسٸ بار ەسكەري ماماندار شاقىرىلاتىنىن ايتتى. ال رەسەي قورعانىس مينيسترٸ سەرگەي شويگۋ ەسكەرگە 300 مىڭ ادامدى شاقىرۋ جوسپاردا بارىن مەلٸمدەدٸ.
كرەملدٸڭ بۇل شەشٸمٸنەن سوڭ حاباروۆسك, ياكۋتسك, يركۋتسك, ۋلان-ۋدە, تومسك قالالارىندا جۇرت موبيليزاتسيياعا قارسى نارازىلىققا شىقتى.
مەسكەۋ پروكۋراتۋراسى نارازىلىققا شىققاندار "15 جىلعا دەيٸن سوتتالۋى مٷمكٸن" دەپ ەسكەرتۋ جاسادى.
