رەسەي پرەزيدەنتٸ ۆلاديمير پۋتين لگبت-نى ناسيحاتتاۋعا تىيىم سالاتىن زاڭعا قول قويدى, دەپ حابارلايدى ازاتتىق.
جاڭا زاڭ گوموسەكسۋاليزم, بيسەكسۋاليزم جەنە ترانسگەندەر تۋرالى اقپارات تاراتۋدىڭ جولىن كەسەدٸ. مۇنداي زاڭ رەسەيدە 2013 جىلدان بار, بٸراق ول كەمەلەتكە تولماعاندارعا عانا ارنالعان بولاتىن.
لگبت-نى باق-تا, ينتەرنەتتە, جارنامالاردا, كٶركەم تۋىندىلاردا ناسيحاتتاعاندارعا جاڭا زاڭ بويىنشا ٸرٸ كٶلەمدە ايىپپۇل سالىنادى, سونداي-اق ولار ەكٸمشٸلٸك جاۋاپقا تارتىلادى.
زاڭ جوباسىن 27 قازاندا رەسەي مەملەكەتتٸك دۋماسى بٸرٸنشٸ وقىلىمدا ماقۇلداعان. تالقىلاۋ كەزٸندە رەسەي دەپۋتاتتارى ەكٸمشٸلٸك جاۋاپقا تارتۋمەن شەكتەلمەي, قىلمىستىق جاۋاپكەرشٸلٸككە دە تارتۋدى ۇسىنعان, بٸراق ونىسى ٶتپەگەن.
زاڭ جوباسى جاسالىپ جاتقاندا-اق زاڭگەرلەر "ٷگٸت-ناسيحاتتىڭ" بەلگٸلەرٸ ناقتى كٶرسەتٸلمەگەنٸن, لگبت-نى بەيتاراپ تٷردە اتاعاننىڭ ٶزٸ "ٷگٸت-ناسيحات" دەپ باعالانۋى مٷمكٸن ەكەنٸن ايتقان.
