رەسەي باسشىسى ۆلاديمير پۋتين 19 شٸلدەدە, ياعني ۋكراينادا سوعىس باستالعالى بەرٸ العاش رەت الىس ەلگە ساپارلادى. ول يرانعا بارىپ, پرەزيدەنت يبراحيم رايسي, ەلدٸڭ رۋحاني كٶسەمٸ ەلي حامەنەي جەنە تٷركييا باسشىسى رەجەپ ەردوعانمەن كەزدەستٸ, دەپ حابارلايدى ازاتتىق.
پۋتيننٸڭ ساپارى سيريياداعى جاعدايدى رەتتەۋگە باعىتتالعان استانا كەلٸسسٶزٸ اياسىندا ٶتكەن. رەسەي مەن يران سيريياداعى اۆتوريتار پرەزيدەنت باشار اساد جەتەكشٸلٸك ەتەتٸن ورتالىق بيلٸكتٸ قولدايدى. ال تٷركييا ەلدٸڭ سولتٷستٸگٸندەگٸ قارۋلى وپپوزيتسيياعا دەم بەرەدٸ. الايدا كەلٸسسٶزدە ۋكرايناداعى سوعىس مەسەلەسٸ دە تالقىلاندى.
تٷركييا ناتو-عا مٷشە بولعانمەن, رەسەيگە قارسى سانكتسييانى قولدامايدى. بٸراق ۋكرايناعا قارۋ-جاراق تا بەرگەن. انكارا مەسكەۋ مەن كيەۆ اراسىنداعى كەلٸسسٶزدە ارااعايىندىق جاساۋدى ۇسىنعان. تاراپتار اتاپ ايتقاندا, سوعىسقا بايلانىستى جابىلعان ۋكراينالىق پورتتاردان استىقتى ەكەتۋ مەسەلەسٸن تالقىلايدى.
تەگەراننىڭ رەسمي تۇلعالارى - رەسەيدٸڭ سوعىستاعى پوزيتسيياسىن اشىق قولداعان ساناۋلى ەلدەردٸڭ بٸرٸ. باتىس ەلدەرٸ يران مەسكەۋگە ەسكەري دروندار جٸبەرٸپ, تەحنيكالىق تۇرعىدا قولداۋى مٷمكٸن دەپ قاۋٸپتەنەدٸ. تەگەران مۇنى جوققا شىعارعانمەن, پۋتينمەن كەزدەسۋدەن سوڭ حامەنەي ەگەر رەسەي ۋكراينادا سوعىس باستاماسا, وندا ناتو-نىڭ ٶزٸ سوعىستى باستار ەدٸ دەپ كرەملدٸڭ "تانىمال تەزيستەرٸنٸڭ بٸرٸن" قايتالادى.
پۋتيننٸڭ ساپارى قارساڭىندا رەسەيلٸك "گازپروم" مەن يراننىڭ NIOس ۇلتتىق مۇناي-گاز كومپانيياسى قۇنى 40 ملرد دوللار بولاتىن ينۆەستيتسييالىق جوباعا قاتىستى ٶزارا تٷسٸنٸسۋ جايلى مەموراندۋمعا قول قويدى.
رەسەي سيياقتى يران ەكونوميكاسى دا باتىستىڭ قاتاڭ سانكتسيياسىنا ۇشىراعان. رەسەي ەكونوميكاسى وقشاۋلانىپ جاتقان تۇستا ەكٸ ەل باسشىلارى ەرٸپتەستٸكتٸ نىعايتۋعا كەلٸستٸ.
كەلٸسسٶزدەن كەيٸن تاراپتار تەرروريزممەن بٸرٸگٸپ كٷرەسەتٸنٸن ايتقانمەن ناقتى كەلٸسٸم تۋرالى ايتپادى. ال پۋتين مەن ەردوعان استىق بويىنشا كەلٸسسٶزدە ٸلگەرٸلەۋشٸلٸك بولعانىن حابارلادى.
