رف پرەزيدەنتٸ ۆلاديمير پۋتين جۇما كٷنٸ گرۋزيياعا جولاۋشى تاسىمالدايتىن ەۋە قاتىناسىنا تىيىم سالاتىن جارلىققا قول قويدى. تىيىم 8 شٸلدەدەن باستاپ كٷشٸنە ەنەدٸ, دەپ جازدى تاسس اگەنتتٸگٸ.
«2019 جىلدىڭ 8 شٸلدەسٸنەن باستاپ رەسەيلٸك ەۋە كومپانييالارىنىڭ ازاماتتاردى رەسەي فەدەراتسيياسىنىڭ اۋماعىنان گرۋزييا اۋماعىنا تاسىمالداۋىنا (سونىڭ ٸشٸندە كوممەرتسييالىق) ۋاقىتشا تىيىم سالىنادى», - دەلٸنگەن قۇجاتتا.
جارلىق مەتٸنٸندە تۋريستٸك اگەنتتٸكتەر مەن تۋروپەراتورلارىنا تىيىم كٷشٸندە تۇرعان ۋاقىتتا ازاماتتارعا تۋريستٸك ٶنٸمدەردٸ ساتپاۋعا كەڭەس بەرٸلگەن. پۋتين رف ٷكٸمەتٸنە ۋاقىتشا گرۋزييادا جٷرگەن رەسەيلٸك ازاماتتاردىڭ وتانىنا قايتۋ شارالارىن قاراستىرۋدى تاپسىردى.
قۇجاتتا ايتىلعانداي, جارلىققا «رەسەي فەدەراتسيياسىنىڭ ۇلتتىق قاۋٸپسٸزدٸگٸن, رەسەي فەدەراتسيياسى ازاماتتارىن قىلمىستىق جەنە باسقا دا قۇقىققا قايشى ەرەكەتتەردەن قورعاۋ ماقساتىندا» قول قويىلعان.
