فوتو: الەكساندر دەميانچۋك/تاسس
رەسەي پرەزيدەنتٸ ۆلاديمير پۋتين "روسسييا-1" تەلەارناسىنا بەرگەن سۇحباتىندا "باتىس رەسەيدٸ بٶلشەكتەگٸسٸ كەلەدٸ" دەپ مەلٸمدەدٸ.
21 اقپانداعى جولداۋىنان كەيٸنگٸ سۇحباتىندا "باتىستىڭ ماقساتى – بۇرىنعى سوۆەت وداعى مەن ونىڭ نەگٸزگٸ بٶلٸگٸ رەسەي فەدەراتسيياسىن بٶلشەكتەۋ. سودان كەيٸن عانا ولار ٶزدەرٸ جيٸ ايتاتىن "ٶركەنيەتتٸ حالىقتار وتباسىنا" قابىلدايتىن بولار, بٸراق ەۋەلٸ بٶلشەكتەپ الماقشى" دەدٸ پۋتين.
ونىڭ سٶزٸنشە, ورىس حالقى ەشقاشان قازٸرگٸدەي بٸر بٷتٸن ٶمٸر سٷرە المايدى, "مەسكەۋ ورىستارى", "ورال ورىستارى" بولىپ ىدىراپ كەتەدٸ. "مۇنىڭ بەرٸ – قاعازعا جازىلعان انىق جوسپار" دەدٸ ول.
سٶز اراسىندا پۋتين ناتو-نى دا ۋكرايناعا قارۋ بەرٸپ وتىر دەپ ايىپتادى.
رف پرەزيدەنتٸ وسىعان ۇقساس بولجامدارىن بۇعان دەيٸن دە بٸرنەشە رەت ايتقان. اقش-تىڭ بۇرىنعى مەملەكەتتٸك حاتشىسى مادلەن ولبرايت ايتتى دەيتٸن "سٸبٸر بايلىعىنىڭ بەرٸ بٸر ەلگە تيەسٸلٸ بولعانى ەدٸل ەمەس" دەگەن سٶزدٸ قايتالاعان. 2000-جىلداردىڭ باسىنان بەرٸ رۋنەتتە جٷرگەن مۇنداي سٶزدٸ اقش ساياساتكەرٸ ايتقان ەمەس.
پۋتين رەسەي حالقى "مەسكەۋ, ورال ورىستارى" بولىپ بٶلٸنٸپ كەتۋٸ مٷمكٸن ەكەنٸن العاش رەت جارييا تٷردە ايتتى.
ونىڭ "قاعازعا جازىلعان جوسپار" دەگەندە نەنٸ مەڭزەگەنٸ بەلگٸسٸز. مۇنداي كونسپيرولوگييالىق تەورييالاردىڭ ٸشٸندەگٸ ەڭ بەلگٸلٸسٸ – داللەس جوسپارى. بۇل تەوريياعا قاراعاندا, اقش-تىڭ سسسر-گە ارنالعان جوسپارىندا "ەشكٸمگە باعىنبايتىن حالىقتى بٸرتٸندەپ جويىپ جٸبەرۋ كٶزدەلگەن". مۇنداي جوسپار بار ەكەنٸنە ەشبٸر دەلەل جوق.
ۋكرايناعا قولداۋ كٶرسەتكەن باتىس ەلدەرٸنٸڭ جەتەكشٸلەرٸ رەسەيدٸ بٶلشەكتەۋگە تىرىسپايتىنىن ايتىپ كەلەدٸ. مۇنى تاياۋدا ۆارشاۆادا سٶز سٶيلەگەن اقش پرەزيدەنتٸ دجو بايدەن دە اشىق مەلٸمدەدٸ.
"ۋكراينامەن سوعىستا جەڭٸلسە, رەسەي ىدىراپ كەتۋٸ مٷمكٸن" دەگەن بولجام – باسپاسٶزدە, اكادەمييالىق ورتادا سٶز بولىپ جٷرگەن نۇسقالاردىڭ بٸرٸ. مۇنى رەسەيدەگٸ تٷرلٸ ۇلتتاردىڭ ٶز-ٶزٸن باسقارعانىن قالايتىن ەميگراتسيياداعى قوعامدىق ۇيىمدار دا جيٸ ايتادى. الايدا باتىس ەلدەرٸ مۇنداي يدەيانى قولداعان ەمەس.
