رەسەي پرەزيدەنتٸ ۆلاديمير پۋتين مەن بەلارۋس باسشىسى الەكساندر لۋكاشەنكونىڭ جۇماداعى كەزدەسۋٸ بەس ساعاتقا سوزىلدى. سوچيدە ٶتكەن بۇل كەزدەسۋدٸڭ قورىتىندىسى اقپارات قۇرالدارىنا حابارلانعان جوق.
ازاتتىقتىڭ حابارلاۋىنشا, رەسەيدٸڭ سوچي قالاسىندا ٶتكەن باسقوسۋدا بەلارۋستٸڭ جولاۋشى ۇشاعىن مينسكٸگە كٷشتەپ قوندىرۋىنا ەلەمنٸڭ رەاكتسيياسى سٶز بولدى.
رەسەي پرەزيدەنتٸ ۆلاديمير پۋتين بەلارۋس تٶڭٸرەگٸندەگٸ جاعدايدى "ەموتسييانىڭ كٶرٸنٸسٸ" دەپ اتادى. ول 2013 جىلى بوليۆييا پرەزيدەنتٸ ەۆو مورالەس مٸنگەن ۇشاقتى ۆەناعا قوندىرۋ وقيعاسىن ەسكە الدى. Ryanair ۇشاعى مينسكٸگە قوندىرىلعان كەزدە رەسەيدٸڭ كرەملگە جاقىن اقپارات قۇرالدارى وسى وقيعانى ەسكە سالعان.
پۋتين بەلارۋستەگٸ ۇشاقتى بۇرىپ ەكەتۋ وقيعاسىنا كٶپ توقتالماي, ەكٸ ەل اراسىنداعى تاۋار اينالىمى, وداقتىق مەملەكەت قۇرۋ بارىسى تۋرالى كٶبٸرەك ايتتى.
لۋكاشەنكو باتىس ەلدەرٸنٸڭ ٶز ەۋە كەڭٸستٸگٸنە بەلارۋس ەۋەكومپانييالارى ۇشاقتارىن جٸبەرمەۋ شەشٸمٸ "بەلاۆيا" كومپانيياسىنا اۋىر تيەتٸنٸن ەسكە ساپ, قولداۋ كٶرسەتكەنٸ ٷشٸن رەسەيگە العىس بٸلدٸردٸ. سونداي-اق ول مەسكەۋدٸڭ بەلارۋستٸ اينالىپ ۇشاتىن ۇشاقتى ٶز كەڭٸستٸگٸنە ٶتكٸزبەي قويعانىن مينسكٸگە كٶرسەتٸلگەن قولداۋ دەپ باعالادى (ال رەسمي ورگاندار مۇنى تەحنيكالىق سەبەپتەرمەن تٷسٸندٸرگەن). پۋتين بۇل پٸكٸرگە قارسىلىق بٸلدٸرگەن جوق.
- پۋتين مەن لۋكاشەنكو كەزدەسۋٸنەن تٷسٸرٸلگەن ۆيدەودا تاراپتار مينسكٸگە بۇرىلعان ۇشاقتان تۇتقىندالعان بەلارۋستىق بلوگشى رومان پروتاسەۆيچ پەن ونىڭ رەسەيلٸك دوسى سوفييا ساپەگانىڭ اتى-جٶنٸن اتامايدى. باتىس ەلدەرٸنٸڭ پٸكٸرٸ بويىنشا, بەلارۋس باسشىلىعى پروتاسەۆيچتٸ قولعا تٷسٸرۋ ٷشٸن افينىدان ۆيلنيۋسقا ۇشىپ بارا جاتقان ۇشاقتىڭ باعىتىن مەجبٷرلەپ بۇرعىزعان.
- كەزدەسۋ كەزٸندە لۋكاشەنكو پۋتينگە Ryanair ۇشاعىن قوندىرۋعا قاتىستى ەلدەبٸر قۇجاتتاردى كٶرەسەتەتٸنٸن ايتتى.
- 2013 جىلى رەسەيدەن بوليۆيياعا ۇشىپ بارا جاتقان مورالەس مٸنگەن ۇشاق ەۋروپانىڭ بٸرنەشە ەلٸ ٶز ەۋە كەڭٸستٸگٸنەن ٶتكٸزبەي قويعان سوڭ, ۆەناعا قونۋعا مەجبٷر بولعان. يسپانييا, يتالييا جەنە فرانتسييا بورتىندا اقش قۇپييا قىزمەتٸنٸڭ قۇجاتتارىن جارييالاعانى ٷشٸن ٸزدەۋ سالىنعان ەدۆارد سنوۋدەن بولۋى مٷمكٸن دەگەن كٷدٸكپەن ۇشاقتى ٶتكٸزبەي قويعان. ۇشاقتا سنوۋدەن بولماي شىققان.
- 23 مامىردا بەلارۋس باسشىلىعى بورتىندا بومبا بولۋى مٷمكٸن دەگەن كٷدٸك بارىن ايتىپ, افينى-ۆيلنيۋس رەيسٸن مينسكٸگە بۇرعىزعان. تەكسەرۋ كەزٸندە بومبا تابىلمادى. الەكساندر لۋكاشەنكو بومبا تۋرالى حابار شۆەيتسارييادان ەلەكتروندى پوشتامەن كەلدٸ دەپ مەلٸمدەگەن. بٸراق كەيٸن مۇنداي حاتتىڭ ۇشاقتى بۇرۋ تۋرالى پەرمەن بەرٸلگەننەن سوڭ عانا پوشتا جەشٸگٸنە تٷسكەنٸ بەلگٸلٸ بولدى.
