پتر-تەست انىقتاماسى جوق شەتەل ازاماتىن بورتقا كٸرگٸزگەن ەۋە كومپانيياسىنا 1600 اەك ايىپپۇل سالىنادى. بۇل تۋرالى كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ مەلٸم ەتتٸ, دەپ حابارلايدى قازاقپارات.
ەسكە سالا كەتسەك بٷگٸن قر ٷكٸمەتٸنٸڭ باسپاسٶز قىزمەتٸ ۆەدومستۆوارالىق كوميسسييانىڭ ەۋە كومپانييالارىنا پتر تەستٸ نەتيجەسٸ تۋرالى انىقتاماسى جوق جولاۋشىلاردى ۇشاققا وتىرعىزۋعا تىيىم سالۋ تۋرالى شەشٸمٸن تٷسٸندٸرگەن بولاتىن. بۇل تالاپ تەك شەتەلدٸك ازاماتتارعا قاتىستى. شەتەلدە جٷرگەن قر ازاماتتارىنىڭ ەۋە رەيستەرٸمەن پتر تەستٸلەۋدەن ٶتكەنٸ تۋرالى انىقتاماسىنسىز وتانىنا ورالۋعا قۇقىعى بار. مۇنداي جاعدايدا قازاقستانعا كەلگەننەن كەيٸن قازاقستاندىقتار پتر تەستٸلەۋ نەتيجەسٸن العانعا دەيٸن كارانتينگە ورنالاستىرىلاتىن بولادى. قر ٶڭٸرلەرٸ اراسىنداعى ٸشكٸ ەۋە رەيستەرٸنٸڭ ۇشاعىنا وتىرعىزۋ كەزٸندە پتر تەست نەتيجەسٸ تۋرالى انىقتاما تالاپ ەتٸلمەيدٸ.
وكق-دا ٶتكەن باسپاسٶز مەسليحاتىندا كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ بۇل اقپاراتتى راستاي وتىرىپ, شەتەلدە جٷرگەن وتانداستارىمىزعا ەلگە كەلەردە مٸندەتتٸ تٷردە پتر تەستٸدەن ٶتۋ كەرەكتٸگٸن ەسكەرتتٸ.
«بٷگٸنگٸ الىس بولسىن, جاقىن بولسىن شەتەلدە جٷرگەن وتانداستارىمىزعا پتر تەستٸدەن ٶتۋدٸڭ قيىندىعى جوق. سەبەبٸ حالىقارالىق ەۋەجايلاردا, قالالار مەن وتەلدەردە تەست تاپسىراتىن پۋنكت بار. اناليز قورىتىندىسى بٸر تەۋلٸكتٸڭ ٸشٸندە بەلگٸلٸ بولادى. بٸزدٸڭ مونيتورينگ كٶرسەتٸپ وتىرعانداي, ەكٸ كٷندٸك كارانتينگە جاتقىزىلاتىن وتانداستارىمىزدىڭ كٶبٸ دەمالىستان كەلەدٸ. كٶبٸ تٷركييا مەن اراب ەمٸرلٸكتەرٸنەن ورالادى. ال جۇمىس ساپارىمەن بارعان وتانداستارىمىز بەن ستۋدەنتتەرٸمٸز پتر انىقتامامەن ورالۋدا», - دەدٸ سەدۋاقاس بايعابىلوۆ.
ول سونىمەن قاتار 27 قازاننان باستاپ پتر تەست انىقتاماسىنسىز كەلەتٸن شەتەلدٸكتەر ەلگە كٸرگٸزٸلمەيتٸنٸن ەسكەرتتٸ.
«ال بورتقا پتر انىقتاماسى جوق شەتەلدٸكتەردٸ كٸرگٸزگەن ەۋە كومپانييالارى ەكٸمشٸلٸك جاۋاپكەرشٸلٸك قاراستىرىلعان. ەۋە كومپانييالارىنىڭ مۇنداي قۇقىقبۇزۋشىلىعى ٷشٸن 1600 اەك كٶلەمٸندە ايىپپۇل سالىنادى», - دەدٸ ول.
