بٷگٸن قر دەنساۋلىق ساقتاۋ مينيسترلٸگٸنٸڭ «وتان سوعىسىنىڭ مٷگەدەكتەرٸنە ارنالعان ورتالىق كلينيكالىق گوسپيتالٸنەن» كوروناۆيرۋس ينفەكتسيياسىن جۇقتىرعان سوڭعى پاتسيەنت ەمدەلٸپ شىقتى, دەپ حابارلايدى قازاقپارات تٸلشٸسٸ.
7 اپتا ٸشٸندە گوسپيتالگە COVID-19 جۇقتىرۋى مٷمكٸن 18-90 جاس ارالىعىنداعى 730 پاتسيەنت تٷسٸپ, ونىڭ ٸشٸندە 335 پاتسيەنت وڭ نەتيجەمەن باسقا ستاتسيونارلارعا اۋىستىرىلعان. قالعاندارى گوسپيتالدە ەمدەلدٸ. بٸردە-بٸر ٶلٸم وقيعاسى بولعان جوق.
«جاسىم 68-دە. بۇعان دەيٸن جامبىل وبلىسىنىڭ جامبىل اۋدانى اسا اۋىلىندا 10 كٷن اۋرۋحانادا جاتتىم. ول جاقتاعى دەرٸگەرلەر دە ايانباي ەڭبەك ەتٸپ, قولدان كەلگەننٸڭ بەرٸن ٸستەدٸ. ولارعا دا راحمەت! كەيٸن وسى جەردە اۋىستىرىلىپ, تاعى 12 كٷن ەمدەلدٸم. اۋا جەتپەي, ەنتٸگٸپ كەلٸپ ەدٸم. ٶكپەنٸ جاساندى جەلدەتۋ اپپاراتىنا قوسىپ, دەرٸ-دەرمەكپەن ەمدەدٸ. وسى قيىندىقتىڭ بەرٸ ارتتا قالسىن. الدىمەن بٸر اللاعا سىيىنامىز, ودان كەيٸن دەرٸگەرلەر حالىقتىڭ جانىن امان الىپ قالىپ, ەمدەپ جاتىر. وسى جەردەگٸ ۇجىمعا كٶپ راحمەت!», - دەيدٸ ەمدەلٸپ شىققان سوڭعى پاتسيەنت كەنجەتاي كٶشەتوۆ.
23 ماۋسىمنان باستاپ قر دەنساۋلىق ساقتاۋ مينيسترلٸگٸنٸڭ بۇيرىعىمەن اتالعان مەديتسينالىق ۇيىم پروۆيزورلىق گوسپيتال بولعان.
«وسى گوسپيتالدە ەمدەلگەن سوڭعى ناۋقاس بٷگٸن شىعارىلدى. اللاعا تەۋبە, ناۋقاستاردى جاقسىلاپ ەمدەگەن دەرٸگەرلەرگە راحمەت! قر دەنساۋلىق ساقتاۋ مينيسترلٸگٸنٸڭ بۇيرىعىمەن 23 ماۋسىمنان باستاپ بۇل گوسپيتال پروۆيزورلىق گوسپيتال بولدى. ەكٸ ايدىڭ ٸشٸندە 700-دەن استام ادام ەمدەلدٸ. ونىڭ ٸشٸندە 356 ادامدى ٶزٸمٸز ەمدەپ, وسى جەردەن ٷيٸنە جٸبەردٸك. قالعان ناۋقاستار باسقا اۋرۋحانالارعا اۋىستىرىلدى. كوروناۆيرۋس ينفەكتسيياسىن جۇقتىرعان ادامداردى ەمدەۋ بارىسىندا ٶلٸم جاعدايى بولعان جوق», - دەيدٸ «وتان سوعىسىنىڭ مٷگەدەكتەرٸنە ارنالعان ورتالىق كلينيكالىق گوسپيتالٸ» ديرەكتورىنىڭ ورىنباسارى سەرٸك شاحمەتوۆ.
ول بۇرىن مۇنداي تەجٸريبە بولىپ كٶرمەگەنٸن ايتتى.
«باستاپقى ەكٸ اپتادا قيىن بولدى. ۋاقىت ٶتە كەلە قيىندىقتى ەڭسەرٸپ, ٷيرەندٸك. ەندٸ كوروناۆيرۋس ينفەكتسيياسىنىڭ ەكٸنشٸ تولقىنى بولماي قويسىن دەپ تٸلەيمٸز. تٸپتٸ بولا قالعان كٷننٸڭ ٶزٸندە ونى دا جەڭەمٸز. ەندٸ بٸز جابىلىپ, ەكٸ اپتا بويى عيماراتتىڭ ٸشٸ-سىرتىن تازارتۋ جۇمىستارىن جاسايمىز. بەرٸ جاقسى بولسا 1 قىركٷيەكتەن باستاپ بۇرىنعى رەجيمدە جۇمىس ٸستەي باستايمىز», - دەيدٸ ول.
