قىزىلوردا وبلىسىنىڭ پروكۋرورلارى اتا-انالارمەن بٸرگە وقۋشىلاردىڭ "ۆكونتاكتە" ەلەۋمەتتٸك جەلٸسٸندەگٸ اككاۋنتتارىن ٶشٸرگٸزدٸ, دەپ xابارلايدى قازاقپارات.
"سوڭعى كەزدەرٸ ەلەۋمەتتٸك جەلٸلەر مەن WhatsApp موبيلدٸك قوسىمشاسىندا جاستار اراسىندا سۋيتسيدتٸ ناسيحاتتايتىن «كٶك كيت», «مەنٸ 4:20-دا ويات», «كيتتەر تەڭٸزٸ» اتاۋلى پاراقشالاردان ساق بولۋعا شاقىراتىن اقپاراتتار كەڭٸنەن تارالۋدا. قىزىلوردا وبلىستىق پروكۋراتۋراسى جاستاردىڭ قاۋٸپسٸزدٸگٸن قامتاماسىز ەتۋ جۇمىستارى, اتالعان اقپاراتتىڭ جەلٸ قولدانۋشىلار اراسىندا كەڭٸنەن تارالۋىنا دەيٸن قولعا الىنعان. اتاپ ايتقاندا, وبلىستاعى 26 مەكتەپتٸڭ 106 وقۋشىسى «ۆكونتاكتە» ەلەۋمەتتٸك جەلٸسٸنٸڭ سۋيتسيدتٸ ناسيحاتتايتىن پاراقشالارىنا تٸركەلۋ دەرەكتەرٸ 2016 جىلى انىقتالعان بولاتىن. شۇعىل شارالار قولدانىلىپ, اتا-انالاردىڭ قاتىسۋىمەن بارلىق وقۋشىلاردىڭ اككاۋنتتارى ٶشٸرٸلدٸ. ەربٸر وقۋشىعا جاسالعان جەكە جوسپار بويىنشا پسيحودياگنوستيكالىق جۇمىستار ۇيىمداستىرىلدى", - دەلٸنگەن قىزىلوردا وبلىستىق پروكۋراتۋراسىنىڭ باسپاسٶز xابارلاماسىندا.
مەكتەپ پسيحولوگتارى وقۋشىلاردىڭ اتا-انالارىمەن تىعىز بايلانىس ورناتىپ, بالالارعا بٸرلەسكەن باقىلاۋ جٷرگٸزۋدە. قازٸرگٸ تاڭدا, وقۋشىلاردىڭ پسيحيكالىق كٶڭٸل-كٷيلەرٸ قالىپتى جاعدايدا, بەلگٸلٸ بولعانداي بالالاردى بۇل ەرەكەتكە جاي عانا ويىنعا دەگەن قىزىعۋشىلىق يتەرمەلەگەن.
جىل باسىنان مۇنداي پاراقشالارعا قىزىلوردا جاستارىنىڭ تٸركەلۋ فاكتٸلەرٸ انىقتالعان جوق, كەمەلەتكە تولماعاندار اراسىندا بٸردە-بٸر سۋيتسيد فاكتٸسٸ تٸركەلمەگەن.
وبلىستىق پروكۋراتۋرانىڭ باستاماسى بويىنشا ۋەكٸلەتتٸ ورگانمەن سۋيتسيدتٸ ناسيحاتتايتىن 30 ينتەرنەت-پاراقشالار بۇعاتتالعان. دەگەنمەن, قاسكٷنەمدەر ٷشٸن اتاۋىن ٶزگەرتٸپ سول مازمۇنداعى باسقا پاراقشا اشۋ قيىن ەمەس.
سوندىقتان, ساباق ۋاقىتىندا دا, ٷيدە دە بالانىڭ كٶڭٸل كٷيٸنە, جٷرٸس-تۇرىسىنا نازار اۋدارىپ, ينتەرنەتكە باقىلاۋسىز كٸرۋٸنە جول بەرمەۋ ۇسىنىلادى.
