فوتو اشىق دەرەككٶزدەن الىندى
استانادا جۋرناليست ماحامبەت ەبجانعا قاتىستى سوت پروتسەسٸندە پروكۋرور قوجاحمەتوۆا ايىپتالۋشىعا 11 جىل تٷرمە جازاسىن سۇرادى. بۇل تۋرالى جۋرناليستٸڭ Telegram-داعى Abzhan News ارناسى حابارلادى, دەپ جازادى ازاتتىق.
ايىپتالۋشىنىڭ ادۆوكاتى گٷلنەر سٷلەيمەنوۆا سوت جابىق ٶتٸپ جاتقانىن العا تارتىپ, تٷسٸنٸك بەرۋدەن باس تارتتى.
سوت ماتەريالدارىنا قاراعاندا, ەبجانعا "كٶرٸنەۋ جالعان اقپارات تاراتۋ" (274-باپتىڭ 3-بٶلٸگٸ) جەنە "بوپسالاۋ" (194-باپتىڭ 4-بٶلٸگٸ, 2-تارماعى) باپتارى بويىنشا ايىپ تاعىلعان.
پروتسەسس استانانىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا 6 قاڭتاردا باستالعان. ٸسكە سۋديا ايجان قۇلباەۆا تٶراعالىق ەتٸپ جاتىر.
سوت ٷكٸمٸ 3 اقپاندا ساعات 17.00-دە وقىلادى.
39 جاستاعى جۋرناليست ەرٸ بلوگەر ماحامبەت ەبجاندى سىبايلاس جەمقورلىققا قارسى ٸس-قيمىل اگەنتتٸگٸ بىلتىر 3 شٸلدەدە تۇتقىنداعان. اگەنتتٸك "ول بٸر كەسٸپكەردەن 50 ميلليون تەڭگە بوپسالادى" دەپ حابارلاعان. ەبجان ادۆوكاتى ارقىلى تاعىلعان ايىپتاردى جوققا شىعارعان.
جۋرناليست قاماۋعا الىناردان ەكٸ كٷن بۇرىن تەلەگرام-ارناسىندا ٶزٸن قارالايتىن جالعان اقپاراتتار تارالىپ جاتقانىن جازعان ەدٸ.
ەسكە سالايىق, بۇعان دەيٸنگٸ پروتسەستەردە ەبجان سوت ٸستٸ وبەكتيۆ قاراماي جاتقانىن العا تارتىپ, سۋديا قۇلباەۆانى اۋىستىرۋ تۋرالى ٶتٸنٸش جاساعان. بۇعان ٸستە جەبٸرلەنۋشٸ رەتٸندە تانىلعان تۇلعادان جاۋاپ الۋ جەنە اقشانىڭ كەلۋ جولىن تۇتاس زەرتتەۋ تۋرالى ٶتٸنٸشتٸڭ ورىندالماۋى سەبەپ بولعان. الايدا سۋديانى اۋىستىرۋ تۋرالى ٶتٸنٸش ورىندالمادى.
بۇعان قوسا, الدىن الا تىڭداۋ كەزٸندە ايىپتالۋشى مەن ادۆوكاتى قىسىمعا شاعىمدانعان. ول كەزدە قاراۋىل باستىعى ايىپتالۋشىعا "رۇقسات ەتٸلمەگەن ەدٸستەردٸ" قولدانعانى جەنە سىبايلاس جەمقورلىققا قارسى ٸس-قيمىل اگەنتتٸگٸ قىزمەتكەرلەرٸ ايىپتالۋشىنىڭ جۇبايى مەن تۋىستارىنا قوقان-لوقى كٶرسەتكەنٸ جايلى شاعىم ايتىلعان. ٸزٸنشە سوت قاۋلى شىعارىپ, پروكۋراتۋراعا وقيعانى تەكسەرۋدٸ تاپسىرعان.
2017 جىلى ماحامبەت ەبجان "الاياقتىق" بابى بويىنشا 3,5 جىلعا باس بوستاندىعىنان ايىرىلعان. 2019 جىلى شارتتى جازا الىپ, مەرزٸمٸنەن بۇرىن بوستاندىققا شىققان.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
