فوتوكوللاج: Azattyq Rýhy
پروكۋرور بيزنەسمەن, ەكس-پرەزيدەنتتٸڭ بۇرىنعى قۇداسى قايرات بورانباەۆتى 8 جىلعا باس بوستاندىعىنان ايىرىپ, مٷلكٸن تەركٸلەۋدٸ سۇرادى, دەپ حابارلايدى قازاقپارات.
بٷگٸن ەلوردانىڭ سارىارقا اۋداندىق №2 سوتىندا قايرات بورانباەۆقا قاتىستى قىلمىستىق ٸستٸ قاراۋ جالعاستى.
«قايرات بورانباەۆتى قىلمىستىق كودەكستٸڭ 28-بابىنىڭ 5-بٶلٸگٸنە (قىلمىس جاساۋعا جەردەمدەسۋ), اتالعان باپتىڭ 2-تارماعىنىڭ 189-بٶلٸگٸنٸڭ 4-بٶلٸگٸنە (جىمقىرۋ نەمەسە بٶگدەنٸڭ مٷلكٸن اسا ٸرٸ مٶلشەردە ۇرلاۋ), سونىمەن قاتار 218-باپتىڭ 3-بٶلٸگٸنە سەيكەس قىلمىستىق جولمەن ٸرٸ كٶلەمدە اقشا جەنە مٷلٸك يەلەنگەنٸ ٷشٸن كٸنەلٸ دەپ تانۋدى سۇرايمىن. وعان قر قىلمىستىق كودەكستٸڭ 28-بابى, 5-بابى جەنە 4-باپتىڭ 189-بٶلٸگٸ بويىنشا جازا تاعايىندالسىن. ياعني ٶمٸر بويى مەملەكەتتٸك قىزمەت, قارجى نارىعى مەن قارجى ۇيىمدارىن رەتتەۋ مەن باقىلاۋ جەنە قاداعالاۋ جٶنٸندەگٸ ۋەكٸلەتتٸ ورگاندا, مەملەكەتتٸك ۇيىمدار مەن كۆازيمەملەكەتتٸك سەكتور سۋبەكتٸلەرٸندە لاۋازىمداردى اتقارۋ قۇقىعىنان ايىرا وتىرىپ, 8 جىل باس بوستاندىعىنان ايىرۋ جەنە 218-بابى 3-بٶلٸگٸ بويىنشا مٷلٸكتەرٸن تەركٸلەۋ سۇرالادى», - دەدٸ مەملەكەتتٸك ايىپتاۋشى ايجان ايماعانوۆا سوتتا.
سونداي-اق, ول قايرات بورانباەۆقا جازاسىن ورتاشا قاۋٸپسٸزدٸك قىلمىستىق-اتقارۋ جٷيەسٸ مەكەمەسٸندە ٶتەۋ رەجيمٸن تاعايىنداۋدى سۇرادى.
«ق. بورانباەۆقا قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى بۇرىنعىداي قالدىرىلسىن. بورانباەۆتى قاماۋدا ۇستاۋ ۋاقىتى 15 ناۋرىزدان باستاپ ٷكٸم زاڭدى كٷشٸنە ەنگەن كٷنگە دەيٸن 1,5 كٷن باس بوستاندىعىنان ايىرۋ ٷشٸن 1 كٷن ەسەبٸنەن جازا مەرزٸمٸنە ەسەپتەۋدٸ سۇرايمىن. وعان تيەسٸلٸ جىلجىمايتىن مٷلٸككە جەنە اقشالاي قاراجاتقا سالىنعان تىيىم مٷلٸكتٸ تەركٸلەۋگە جەنە وعان قاتىستى باسقا قىلمىستىق ٸستٸ تەرگەۋگە بايلانىستى سول كٷيٸندە قالدىرىلسىن», - دەدٸ پروكۋرور.
ودان بٶلەك, سوتتا قىلمىستىق كودەكستٸڭ 49-بابىنا سەيكەس ق. بورانباەۆقا (ارناۋلى, ەسكەري اتاق-دەرەجەلەرٸ, شەنٸ مەن ديپلوماتييالىق دەرەجەسٸنەن, بٸلٸكتٸلٸگٸ جەنە مەملەكەتتٸك اتاقتارىنان ايىرۋ) بەرٸلگەن مەملەكەتتٸك ناگرادالاردى كەرٸ قايتارۋدا سۇرالدى. ولاردىڭ قاتارىندا «قۇرمەت», «ەرەن ەڭبەگٸ ٷشٸن», «پاراسات» جەنە ٷشٸنشٸ دەرەجەلٸ بارىس وردەنٸ بار.
ايتا كەتەيٸك, استانادا قايرات بورانباەۆقا قاتىستى سوت وتىرىسى بىلتىر جەلتوقساندا باستالعان ەدٸ.
قايرات بورانباەۆ پەن ونىڭ بيزنەس-سەرٸكتەسٸ رومان ناحانوۆ, سونداي-اق Qazaq Gaz اق باسقارما باسشىسىنىڭ بۇرىنعى ورىنباسارى تايىر جانۇزاق سۇيىتىلعان مۇناي گازىن ساتىپ الۋ كەزٸندە 14,5 ملرد تەڭگە جىمقىردى جەنە قىلمىستىق جولمەن الىنعان قاراجاتتى زاڭداستىردى دەگەن كٷدٸككە ٸلٸندٸ.
ايىپتاۋشىلاردىڭ 38 ميلليارد تەڭگە اقشاسى, 15 جىلجىمايتىن مٷلكٸ, ٷش اۆتوكٶلٸگٸ بۇعاتتالدى.
قارجىلىق مونيتورينگ اگەنتتٸگٸ دە گاز ەكسپورتى كەزٸندەگٸ جىمقىرۋ جەنە قىلمىستىق جولمەن تابىلعان مٷلٸكتٸ زاڭداستىرۋ ٸستەرٸ اياسىندا بورانباەۆ پەن باسقا تۇلعالارعا قاتىستى سوتقا دەيٸنگٸ تەرگەۋدٸ جالعاستىرىپ جاتقانىن حابارلاعان بولاتىن.
ەسكە سالساق, قايرات بورانباەۆ – قازاقستاندىق كەسٸپكەر, نۇرسۇلتان نازارباەۆتىڭ بۇرىنعى قۇداسى. ونىڭ قىزى ەليما داريعا نازارباەۆانىڭ ۇلى ايسۇلتانعا تۇرمىسقا شىققان بولاتىن. ايسۇلتان 2020 جىلى تامىز ايىندا قايتىس بولدى.
