مەملەكەتتٸك ايىپتاۋشى سوتتان بۇرىنعى مينيستر ەلجان بٸرتانوۆتى كٸنەلٸ دەپ تانىپ, وعان 6 جىل باس بوستاندىعىنان ايىرۋ جازاسىن تاعايىنداۋدى سۇرادى. سونداي-اق, پروكۋرور بٸرتانوۆ پەن ونىڭ بۇرىنعى ورىنباسارى ولجاس ەبٸشەۆتەن بٸر جارىم ميلليارد تەڭگە ٶندٸرٸپ الۋدى سۇرادى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
"بٸرتانوۆتى قر قك-نٸڭ 361-بابى 4-بٶلٸگٸ 3-تارماعىندا كٶزدەلگەن قىلمىستى جاساعانى ٷشٸن كٸنەلٸ دەپ تانۋدى جەنە مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرا وتىرىپ, 6 جىلعا باس بوستاندىعىنان ايىرۋ تٷرٸندەگٸ جازا تاعايىنداۋدى ۇسىنامىن.
بٸرتانوۆقا قاتىستى ٷي قاماعى تٷرٸندەگٸ بۇلتارتپاۋ شاراسى قاماۋدا ۇستاۋعا اۋىستىرىلسىن. جازانى ٶتەۋ مەرزٸمٸ ٷكٸم زاڭدى كٷشٸنە ەنگەن كٷننەن باستاپ ەسەپتەلسٸن. بٸرتانوۆتى قاماۋدا ۇستاۋ ۋاقىتى 2020 جىلعى 30 قازاننان 2020 جىلعى 6 قاراشاعا دەيٸن, سونداي-اق ٷكٸم شىعارىلعان كٷننەن باستاپ ول زاڭدى كٷشٸنە ەنگەنگە دەيٸن جازانى ٶتەگەن 1,5 كٷن ٷشٸن قاماۋدا ۇستاۋدىڭ 1 كٷنٸ ەسەبٸنەن جازا مەرزٸمٸنە ەسەپتەلسٸن.
بٸرتانوۆتى ٷي قاماۋىندا ۇستاۋ ۋاقىتى 2020 جىلعى 7 قاراشادان باستاپ ٷكٸم شىعارىلعان كٷنگە دەيٸن جازانى ٶتەگەن بٸر كٷن ٷشٸن ٷي قاماۋىنىڭ 2 كٷنٸ ەسەبٸنەن جازا مەرزٸمٸندە ەسەپكە الىنسىن", - دەدٸ پروكۋرور باۋىرجان شەكەنوۆ سوتتا.
ايىپتاۋ بٸرتانوۆ پەن ونىڭ ورىنباسارى ەبٸشەۆتەن 1 ميلليارد 548 ميلليون 136 مىڭ 575 تەڭگەنٸ تەڭ ٷلەستەرمەن ٶندٸرٸپ الۋدى, سونداي-اق بٸرتانوۆتان 2020 جىلعى ناۋرىزدا كوروناۆيرۋس پاندەميياسى كەزٸندە سانيتارلىق اۆياتسييا بورتىن پايدالانۋعا جۇمسالعان 5 ميلليون 503 مىڭ 721 تەڭگەنٸ ٶندٸرٸپ الۋدى تالاپ ەتتٸ.
ودان بٶلەك باۋىرجان شەكەنوۆ بٸرتانوۆتى "قۇرمەت" مەملەكەتتٸك ماراپاتىنان ايىرۋدى ۇسىندى.
ەسكە سالا كەتەيٸك, بۇرىنعى دەنساۋلىق ساقتاۋ مينيسترٸ ەلجان بٸرتانوۆ پەن ونىڭ ورىنباسارى ولجاس ەبٸشەۆكە مەديتسينالىق مەكەمەلەردٸڭ قىزمەتٸن اۆتوماتتاندىرۋ جەنە ولاردى باسقارۋعا ارنالعان اقپاراتتىق جٷيەنٸ ەزٸرلەۋ كەزٸندە لاۋازىمدىق ٶكٸلەتتٸگٸن اسىرا پايدالاندى دەگەن ايىپ تاعىلدى. پلاتفورما ازاماتتاردى ەمدەۋ مەكەمەلەرٸنە تٸركەۋ, دەرٸگەردٸ ٷيگە شاقىرۋ, دەرٸگەردٸڭ قابىلداۋىنا جازىلۋ, سونداي-اق تۇرعىندارعا مەديتسينالىق انىقتامالار بەرۋ قىزمەتتەرٸن اۆتوماتتاندىرۋى تيٸس بولاتىن.
