الماتى پروكۋراتۋراسىندا جەدەل جەردەم جٷرگٸزۋشٸسٸن ۇرعان تٷركييا ازاماتى ەلي دەمير نەگە كەپٸلدەمەمەن بوساتىلعانىنا تٷسٸنٸكتەمە بەردٸ, دەپ حابارلايدى قازاقپارات تٸلشٸسٸ.
باقىلاۋ ورگانى تٷركييانىڭ ازاماتى ەلي دەميردٸڭ بۇزاقىلىق ەرەكەتٸنە بايلانىستى قر قك 293-بابىنىڭ 1-بٶلٸگٸمەن سوتقا دەيٸنگٸ تەرگەۋ جۇمىستارى قولعا الىندى.
«قوعامنىڭ قىزۋ تالقىلاۋىنا تٷسكەن سوڭ دەمير ە.ا الماتىداعى قالالىق ٸٸد ۋاقىتشا وقشاۋلاۋ ورنىنا قامالدى. 20 قىركٷيەكتە المالى اۋداندىق پروكۋراتۋراسىنا تەرگەۋشٸنٸڭ قۇقىق بۇزۋشىنى قاماۋعا الۋ تۋرالى ارىزى تٷسكەن. قىلمىستىق كودەكس بويىنشا تەك 5 جىلدان اسا تٷرمەگە قامالۋ جازاسى قاراستىرىلعان قىلمىستار بويىنشا عانا قاماۋعا الۋ بۇلتارتپاۋ شاراسى قابىلدانادى», - دەلٸنگەن حابارلامادا.
ەلي دەمير اسا اۋىر ەمەس قىلمىس جاسادى دەگەن كٷدٸك بار. بۇل قىلمىسى ٷشٸن وعان ارى كەتكەندە 2 جىلعا باس بوستاندىعىنان ايىرۋ جازاسى بولۋى مٷمكٸن.
«ول تٷركييا ازاماتى ەكەنٸنە قاراماستان ول قازاقستان ازاماتشاسىنا ٷيلەنگەن. بالاسى بار. تۇراقتى تٸركەلگەن مەكەنجايى بويىنشا تۇرادى. قىلمىستىق تەرگەۋ ورىندارىندا ونىڭ بۇعان دەيٸن قىلمىس جاساماعانى انىقتالعان. پروكۋراتۋرا كٷدٸكتٸنٸڭ تەرگەۋ ٸسٸنە كەدەرگٸ كەلتٸرەتٸنٸنە شٷبە كەلتٸرٸپ وتىر», - دەدٸ پروكۋراتۋرانىڭ باسپاسٶز قىزمەتٸنەن.
قازٸر ەلي دەمير كەپٸلمەن بوساتىلدى.
ال قالالىق ٸٸد تەرگەۋ باسقارماسى المالى اۋداندىق پروكۋراتۋراسىنىڭ كەپٸلمەن بوساتۋ تۋرالى شەشٸمٸنە قارسى شىققان بولاتىن.
ەسكە سالا كەتسەك, الماتىدا جولعا تالاسقان ازامات جەدەل جەردەم جٷرگٸزۋشٸسٸن سوققىعا جىقتى. سول كٷنٸ الماتى پوليتسيياسى 1990 جىلى تۋعان تٷركييا ازاماتىن, ياعني فولكسۆاگەن پاسسات كٶلٸگٸنٸڭ جٷرگٸزۋشٸسٸن ۇستادى.
13 جىلدان بەرٸ جەدەل جەردەمدە جۇمىس ٸستەيتٸن نيكولاي كۋچما اشۋشاڭ جٷرگٸزۋشٸنٸ جازاسىز قالدىرماۋعا بەكٸنٸپ وتىر.
