فوتو: elements.envato.com
پروكۋراتۋرا تەكەلٸ قالاسى ەكٸمدٸگٸنٸڭ ەرەكەتٸن زاڭسىز دەپ تاپتى. تەكسەرٸس جٷرگٸزۋ بارىسىندا ەكٸمدٸككە جەرگٸلٸكتٸ مەدەنيەت ٷيٸنە Sony PlayStation 5 ويىن قۇرال-جابدىعىن ساتىپ الۋعا رۇقسات بەرٸلمەدٸ, دەپ حابارلايدى Azattyq Ruhy.
ويىن اپپاراتىن مەدەنيەت ٷيٸندە اشىلىپ جاتقان بالالار بٶلمەسٸنە ورناتۋ جوسپارلانعان بولاتىن. شەنەۋنٸكتەر الدىن الا ورناتىلعان ويىندارى بار قۇرىلعىمەن قاتار, زاريادتاۋ ستانتسيياسى مەن گەيمپاد تا ساتىپ الماق بولعان.
پروكۋراتۋرا مەملەكەتتٸك قاراجاتتى مۇنداي ۇتىمسىز پايدالانۋدى لاۋازىمدى تۇلعالاردىڭ فۋنكتسيونالدىق مٸندەتتەرٸنە ادال قاراماۋى جەنە جەرگٸلٸكتٸ اتقارۋشى ورگان باسشىلىعى تاراپىنان باقىلاۋدىڭ جوقتىعى دەپ باعالادى.
«قالا پروكۋراتۋراسى مەملەكەتتٸك ساتىپ الۋدى جٷرگٸزۋدٸڭ زاڭدىلىعىمنىڭ ساقتالۋىنا تالداۋ جٷرگٸزدٸ. تالداۋ بارىسىندا #9058114-1 حابارلاندىرۋ بويىنشا «تەكەلٸ قالاسى ەكٸمٸنٸڭ مەدەنيەت ٷيٸ» مكقك ويىن كونسولٸن ساتىپ الۋ كەزٸندە «مەملەكەتتٸك ساتىپ الۋ تۋرالى» زاڭنىڭ 21-بابىنىڭ تالاپتارىن بۇزۋ دەرەگٸ انىقتالدى, وندا ساتىپ الىناتىن تاۋارعا تەحنيكالىق ەرەكشەلٸكتە ساۋدا بەلگٸلەرٸ كٶرسەتٸلگەن», - دەدٸ جەتٸسۋ وبلىسى پروكۋراتۋراسىنىڭ باسپاسٶز قىزمەتٸ.
جالپى, پروكۋرورلار اتالعان دەرەكتٸ بيۋدجەت قاراجاتىن قيسىنسىز ىسىراپ ەتۋ دەپ باعالادى. قاداعالاۋ ورگانى ساتىپ الۋدى رەسمي تٷردە جويىپ, جەرگٸلٸكتٸ بيلٸك ورگاندارىنا مەمٸلەنٸ توقتاتۋدى, سونداي-اق كٸنەلٸلەردٸ تەرتٸپتٸك جازالاۋدى ۇسىندى.
«وسىلايشا, قالا پروكۋراتۋراسى اتالعان ساتىپ الۋدىڭ كٷشٸن جويا وتىرىپ, زاڭبۇزۋشىلىقتاردى جويۋ تۋرالى ۇسىنىس ەنگٸزدٸ. سونىمەن قاتار بۇل ساتىپ الۋ قالا تۇرعىندارىنىڭ كٶڭٸل كٷيٸنە تەرٸس ەسەر ەتتٸ جەنە سايلاۋ الدىندا بۇقارالىق اقپارات قۇرالدارىندا جارييالاۋ ارقىلى جاعىمسىز پٸكٸر تۋدىردى», - دەدٸ ۆەدومستۆودان.
اتالعان مەمٸلە قاڭتاردىڭ سوڭىندا جاسالعان بولاتىن. ويىن اپپاراتى قالا ەكٸمدٸگٸنە 600 مىڭ تەڭگەگە تٷسكەن. تەندەردٸ ۇتقان كومپانييا Play Station 5 پرەفيكسٸن جەنە تەلەديداردى اقپان ايىندا ەكەلٸپ ورنالاستىرۋى تيٸس بولعان. تەكەلٸ قالاسىنىڭ ەكٸمدٸگٸ jنسىز دا تەلەفون مەن كومپيۋتەردەن باس المايتىن بالالاردى بۇلايشا تەربيەلەۋ امالىن «بالالاردىڭ موتوريكاسىن دامىتامىز» دەپ تٷسٸندٸرگەن ەدٸ.
