Foto: elements.envato.com
Prokýratýra Tekeli qalasy ákimdiginiń áreketin zańsyz dep tapty. Tekseris júrgizý barysynda ákimdikke jergilikti mádeniet úiine Sony PlayStation 5 oiyn qural-jabdyǵyn satyp alýǵa ruqsat berilmedi, dep habarlaidy Azattyq Ruhy.
Oiyn apparatyn Mádeniet úiinde ashylyp jatqan balalar bólmesine ornatý josparlanǵan bolatyn. Sheneýnikter aldyn ala ornatylǵan oiyndary bar qurylǵymen qatar, zariadtaý stantsiiasy men geimpad ta satyp almaq bolǵan.
Prokýratýra memlekettik qarajatty mundai utymsyz paidalanýdy laýazymdy tulǵalardyń fýnktsionaldyq mindetterine adal qaramaýy jáne jergilikti atqarýshy organ basshylyǵy tarapynan baqylaýdyń joqtyǵy dep baǵalady.
«Qala prokýratýrasy memlekettik satyp alýdy júrgizýdiń zańdylyǵymnyń saqtalýyna taldaý júrgizdi. Taldaý barysynda #9058114-1 habarlandyrý boiynsha «Tekeli qalasy ákiminiń mádeniet úii» MKQK oiyn konsolin satyp alý kezinde «Memlekettik satyp alý týraly» zańnyń 21-babynyń talaptaryn buzý deregi anyqtaldy, onda satyp alynatyn taýarǵa tehnikalyq erekshelikte saýda belgileri kórsetilgen», - dedi Jetisý oblysy prokýratýrasynyń baspasóz qyzmeti.
Jalpy, prokýrorlar atalǵan derekti biýdjet qarajatyn qisynsyz ysyrap etý dep baǵalady. Qadaǵalaý organy satyp alýdy resmi túrde joiyp, jergilikti bilik organdaryna mámileni toqtatýdy, sondai-aq kinálilerdi tártiptik jazalaýdy usyndy.
«Osylaisha, qala prokýratýrasy atalǵan satyp alýdyń kúshin joia otyryp, zańbuzýshylyqtardy joiý týraly usynys engizdi. Sonymen qatar bul satyp alý qala turǵyndarynyń kóńil kúiine teris áser etti jáne sailaý aldynda buqaralyq aqparat quraldarynda jariialaý arqyly jaǵymsyz pikir týdyrdy», - dedi vedomstvodan.
Atalǵan mámile qańtardyń sońynda jasalǵan bolatyn. Oiyn apparaty qala ákimdigine 600 myń teńgege túsken. Tenderdi utqan kompaniia Play Station 5 prefiksin jáne teledidardy aqpan aiynda ákelip ornalastyrýy tiis bolǵan. Tekeli qalasynyń ákimdigi jnsyz da telefon men kompiýterden bas almaityn balalardy bulaisha tárbieleý amalyn «Balalardyń motorikasyn damytamyz» dep túsindirgen edi.
