قر پرەزيدەنتٸنٸڭ كٶمەكشٸسٸ ەرلان قارين مەملەكەت باسشىسى قاسىم-جومارت توقاەۆتىڭ جولداۋ اياسىندا جٷكتەگەن مٸندەتتەردٸڭ قالاي ٸسكە اسىپ جاتقانى تۋرالى ايتىپ بەردٸ, دەپ حابارلايدى قازاقپارات.
«پرەزيدەنتتٸڭ بيىلعى جولداۋى بويىنشا ٸسكە اسىپ جاتقان تاپسىرمانىڭ بٸرٸ تٶمەنگٸ جالاقىنىڭ مٶلشەرٸ 60 مىڭ تەڭگەگە دەيٸن كٶتەرٸلدٸ. ول ٷشٸن تيٸستٸ زاڭعا ٶزگەرٸس ەنگٸزٸلٸپ, 2022-2024 جىلدارعا ارنالعان رەسپۋبليكالىق بيۋدجەت قايتا قارالدى. سونىمەن قاتار مەملەكەت باسشىسىنىڭ تاپسىرماسىنا سەيكەس قىلمىستىق جازا زاڭىن جەتٸلدٸرۋ قولعا الىندى. وسى ورايدا باس پروكۋراتۋرا زاڭعا تولىقتىرۋلار مەن ٶزگەرٸستەر ەنگٸزٸپ, ول پارلامەنت قابىرعاسىندا قارالىپ جاتىر», - دەدٸ ەرلان قارين «حابار 24» تەلەارناسىنا بەرگەن سۇحباتىندا.
ونىڭ ايتۋىنشا, بيىلعى جولداۋ بويىنشا مەملەكەت باسشىسى جٷكتەگەن تاپسىرمانى ورىنداۋ سول سەتتە باستالىپ كەتتٸ. ونى ٸسكە اسىرۋعا پارلامەنت, ٷكٸمەت جەنە باسقا دا قۇزىرلى ورگاندار اتسالىسىپ جاتىر.
«مەملەكەتتٸك رەفورمالاردىڭ ٸشٸندە كٶپشٸلٸككە جاعىپ, كٶڭٸلٸنەن شىققان پرەزيدەنت قابىلداعان شارانىڭ بٸرٸ - قازاقستاندىقتاردىڭ زەينەتاقى قورىنداعى جيناعىن تۇرعىن ٷي الۋعا جۇمساي الۋى. سول سەكٸلدٸ دەنساۋلىعىن جاقسارتۋعا دا پايدالانۋ مٷمكٸندٸگٸ بار. قازاننىڭ سوڭىنداعى مەلٸمەتتەر بويىنشا, شاتاسپاسام, باسپانالى بولعىسى كەلگەن قازاقستاندىقتاردىڭ 2 ترلن تەڭگەنٸڭ ٶتٸنٸشٸ ماقۇلداندى. سونداي-اق, وتانداستارىمىز دەنساۋلىعىن كٷتۋ ماقساتىندا 49 ملرد تەڭگە جۇمساعان. بۇل دەگەنٸمٸز پرەزيدەنت رەفورماسى ارقىلى قاراپايىم حالىق مەسەلەسٸ وڭتايلى شەشٸمٸن تاۋىپ جاتىر دەگەن سٶز», - دەيدٸ ول.
