پرەزيدەنتتٸك جاستار كادر رەزەرۆٸنە ٸرٸكتەۋ قاتىسۋشىلارىنا جٸتٸ تەكسەرۋ جٷرگٸزٸلەدٸ, دەپ حابارلايدى قازاقپارات.
«جارلىققا سەيكەس, كادرلىق رەزەرۆ ٷمٸتكەرلەرٸنە تەكسەرۋ جٷرگٸزەمٸز. بٸز ولاردىڭ ادالدىعىن, قۇجاتتارىن جان-جاقتى قارايمىز. ەگەر ٷمٸتكەر ٶزٸ تۋرالى جالعان اقپارات بەرسە, ونى كەز كەلگەن كەزەڭدە ٸرٸكتەۋدەن شىعارا الامىز. ەگەر ٷمٸتكەرلەر تۋرالى ناقتى مەلٸمەتٸڭٸز بولسا, بٸزگە جٸبەرۋگە بولادى. بٸز مەسەلەنٸڭ مەن-جايىن انىقتايمىز جەنە قاجەت بولعان جاعدايدا ٸرٸكتەۋدەن شىعارامىز. بٸز ەدٸلدٸك پەن اشىقتىقتى قولدايمىز», - دەدٸ قر باسقارۋ اكادەميياسىنىڭ رەكتورى, پرەزيدەنتتٸك كادر رەزەرۆٸنە ٸرٸكتەۋ كوميسسيياسىنىڭ مٷشەسٸ ەرلان ەبٸل ٷكٸمەت ٷيٸندەگٸ باسپاسٶز مەسليحاتىندا.
ونىڭ ايتۋىنشا, ٸرٸكتەۋدٸڭ كەلەسٸ كەزەڭٸنە ٶتكەن قاتىسۋشىلاردىڭ ورتاشا جاسى - 30 جەنە ودان جوعارى. ولاردىڭ اراسىندا شەت ەلدەردە, قازاقستاننىڭ ٷزدٸك جوو-لارىندا بٸلٸم العاندار بار.
«ٸرٸكتەۋدٸڭ كەلەسٸ كەزەڭٸنە ٶتكەن 48 ٷمٸتكەر اقش, ۇلىبريتانييا, قىتاي, سينگاپۋر سەكٸلدٸ شەت ەلدەردە بٸلٸم العان. ال 198 ٷمٸتكەر - قازاقستاندا دا, شەت ەلدە دە وقىعان. تەك قانا قازاقستاندا بٸلٸم العاندار سانى - 286, ونىڭ 138-ٸ ەلٸمٸزدٸڭ ٷزدٸك جوو-لارىن تەمامداعان. 19 ٷمٸتكەر رەسەي فەدەراتسيياسىندا بٸلٸم العان. سوندىقتان, ولاردى دايىندىقسىز بولدى, كەزدەيسوق جوعارى ۇپاي جينادى دەپ ايتۋعا بولمايدى», - دەدٸ ەرلان ەبٸل.
ايتا كەتەيٸك, «پرەزيدەنتتٸڭ جاستار كادر رەزەرۆٸنە» ٸرٸكتەۋدٸڭ «ەلەۋەتتٸ باعالاۋ» كەزەڭٸنە 549 قاتىسۋشى ٶتتٸ. بۇل كەزەڭ ەسسە جازۋ, جوبانى تانىستىرۋ جەنە قۇزىرەتتٸ باعالاۋ سىندى 3 بٶلٸكتەن تۇرادى.
«ەلەۋەتتٸ باعالاۋ» كەزەڭٸنەن كەيٸن ساراپشىلارمەن سۇحبات ٶتەدٸ. وعان الدىڭعى كەزەڭدەردە ٷزدٸك نەتيجە كٶرسەتكەن قاتىسۋشىلار جٸبەرٸلەدٸ. ودان كەيٸن پرەزيدەنت ەكٸمشٸلٸگٸ قۇراتىن كوميسسييا ٸرٸكتەۋدٸڭ الدىڭعى كەزەڭدەرٸنەن تابىستى ٶتكەن ەربٸر ٷمٸتكەرمەن جەكە ەڭگٸمەلەسەدٸ. سونىڭ قورىتىندىسى بويىنشا ۇلتتىق كوميسسييا ەڭ جوعارى بالل جيناعان كانديداتتاردى پرەزيدەنتتٸك جاستار رەزەرۆٸنە قابىلداۋ تۋرالى شەشٸم قابىلدايدى.
ٸرٸكتەۋدٸڭ كەيٸنگٸ كەزەڭدەرٸنە جٸبەرٸلەتٸن كانديداتتاردىڭ شەكتٸ سانى بەلگٸلەنگەن. اتاپ ايتقاندا, تەستٸلەۋ ۆەريفيكاتسيياسىنا 1000 ادام عانا جٸبەرٸلەدٸ. كەلەسٸ كەزەڭ - ەلەۋەتتٸ باعالاۋعا - 600 ادام, ساراپتامالىق كوميسسييادا سۇحباتتاسۋعا - 400 ادام, سوڭعى ۇلتتىق كوميسسييا وتىرىسىندا - 330 ادامنىڭ نەتيجەسٸ قارالادى.
