پرەزيدەنتتٸڭ بٸر جىلدا اتقارعان جۇمىسىنىڭ قورىتىندىسى تٶرت توم بولىپ جارىق كٶردٸ. بۇل تۋرالى مەملەكەت باسشىسىنىڭ باسپاسٶز حاتشىسى بەرٸك ۋەلي Facebook پاراقشاسىندا جازدى, دەپ حابارلايدى "ۇلت اقپارات".
قازاقستان پرەزيدەنتٸ قاسىم-جومارت كەمەلۇلى توقاەۆتىڭ ەلدٸ باسقارۋ تٸزگٸنٸن قولىنا الىپ, پرەزيدەنتتٸك قىزمەتٸنە كٸرٸسكەنٸنە بٷگٸن تۋرا 1 جىل تولدى.
«قاسىم-جومارت كەمەلۇلى جۋىردا تۆيت-پاراقشاسىندا: «بٸر جىل بۇرىن اسا كٶرنەكتٸ مەملەكەت قايراتكەرٸ, جاھاندىق دەڭگەيدەگٸ ساياساتكەر ن.نازارباەۆتان ەل تٸزگٸنٸن قولعا الۋ مەرتەبەسٸ بۇيىردى. مەملەكەتٸمٸزدٸڭ نەگٸزٸن قالاۋشى – ەلباسى ستراتەگيياسىنىڭ ساباقتاستىعىن جٷزەگە اسىرۋ ٷشٸن كٶپ جۇمىس اتقارىلدى...» دەپ جازدى. راسىندا سول تاريحي كەزەڭدەگٸ ەلباسىنىڭ تاڭداۋىنان كەيٸن, كٶپ ۇزاماي ٶتكەن سايلاۋ قورىتىندىسى بويىنشا قازاقستان حالقىنىڭ باسىم بٶلٸگٸ (70,96%) قاسىم-جومارت كەمەلۇلىنىڭ كانديداتۋراسىنا قولداۋ بٸلدٸرٸپ, داۋىس بەردٸ. قاسىم-جومارت كەمەلۇلىنىڭ سول 2019 جىلدىڭ 20 ناۋرىزىنان بەرٸ قابىلداعان شەشٸمدەرٸ, ٶتكٸزگەن كەزدەسۋلەرٸ مەن قابىلداۋلارى, جالپى اتقارعان جۇمىستارى تٷگەلدەي بۇقارالىق اقپارات قۇرالدارىندا جارييالانىپ وتىردى», - دەپ جازادى بەرٸك ۋەلي.
ەستەرٸڭٸزدە بولسا, قاسىم-جومارت كەمەلۇلى ٶزٸنٸڭ سايلاۋالدى باعدارلاماسىن «ساباقتاستىق. ەدٸلدٸك. ٶرلەۋ» دەپ اتاپ, ٶزٸنٸڭ نەگٸزگٸ ٷش ۇستانىمىن جارييالاعان بولاتىن. وسى باستى قاعيداتتاردى ۇستانعان قر پرەزيدەنتٸنٸڭ باسپاسٶز قىزمەتٸ مەملەكەت باسشىسىنىڭ وسى ۋاقىت ارالىعىندا ەرتٷرلٸ دەڭگەيدەگٸ مٸنبەرلەردەن سٶيلەگەن سٶزدەرٸن جيناقتاپ, 1 جىلدىق جۇمىستىڭ قورىتىندىسى رەتٸندە «ساباقتاستىق. ەدٸلدٸك. ٶرلەۋ» دەگەن اتپەن 4 تومدىق جيناق شىعارىپ وتىر.
بۇل كٸتاپتاردا مەملەكەت باسشىسىنىڭ ەرتٷرلٸ ٸس-شارالاردا سٶيلەگەن 76 سٶزٸنٸڭ تولىق مەتٸنٸ جيناقتالدى.
بٸرٸنشٸ كٸتاپقا قاسىم-جومارت توقاەۆتىڭ ەلٸمٸزدٸ دامىعان ەلدەردٸڭ قاتارىنا قوسۋ ماقساتىمەن قولعا العان باستامالارى جەنە حالىقتىڭ جارقىن بولاشاعى ٷشٸن جٷزەگە اسىرىلاتىن جوبالار تۋرالى وي-پٸكٸرلەرٸ, مەملەكەتتٸڭ الدىندا تۇرعان باسىم باعىتتارى مەن مٸندەتتەرٸن ايقىنداۋعا ارنالعان جالپىۇلتتىق ٸس-شارالاردا سٶيلەگەن سٶزدەرٸ ەنگٸزٸلدٸ.
ەكٸنشٸ كٸتاپقا مەملەكەت باسشىسىنىڭ ٶڭٸرلەردەگٸ جۇرتشىلىقپەن كەزدەسۋ ٶتكٸزٸپ, ەل مەن جەردٸڭ تاعدىرى, ساياسي ٶزگەرٸستەر, ەكونوميكاداعى سەرپٸن, ەلەۋمەتتٸك جاۋاپكەرشٸلٸك جەنە باسقا دا قوعام ٶمٸرٸ تۋرالى وي-تولعامدارى, ەلٸمٸزدٸڭ الدىندا تۇرعان باسىم باعىتتار مەن مٸندەتتەر جٶنٸندە سٶيلەگەن سٶزدەرٸ توپتاستىرىلدى.
ٷشٸنشٸ كٸتاپقا قازاقستان پرەزيدەنتٸنٸڭ شەت مەملەكەتتەردٸڭ باسشىلارىمەن كەزدەسۋلەردە, ەلەمدٸك سامميتتەر مەن حالىقارالىق فورۋمداردا سٶيلەگەن سٶزدەرٸ جٷيەلەنٸپ توپتاستىرىلدى. قاسىم-جومارت كەمەلۇلى قازاقستان پرەزيدەنتٸ قىزمەتٸنە كٸرٸسكەننەن كەيٸن بٸرنەشە ايدىڭ ٸشٸندە رەسەي, قىتاي, اقش جەنە ەۋرازييانىڭ باسقا دا كٶپتەگەن ەلٸنٸڭ كٶشباسشىلارىمەن بايلانىس ورناتىپ, شەت ەلدەرگە بٸرنەشە مەملەكەتتٸك, رەسمي جەنە جۇمىس ساپارىن جاسادى. بٸرٸككەن ۇلتتار ۇيىمى, تەۋەلسٸز مەملەكەتتەر دوستاستىعى, شانحاي ىنتىماقتاستىق ۇيىمى, ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس, ەۋرازييالىق ەكونوميكالىق وداق, ۇجىمدىق قاۋٸپسٸزدٸك شارت ۇيىمىنىڭ سامميتتەرٸنە قاتىستى. اتالعان جيىنداردا حالىقارالىق ساياساتتاعى قازاقستاننىڭ ورنى, ۇستانىمى تۋرالى مەلٸمدەمەلەر جاسادى.
تٶرتٸنشٸ كٸتاپقا قازاقستان پرەزيدەنتٸنٸڭ بٸر جىل ٸشٸندەگٸ وتاندىق جەنە شەتەلدٸك بۇقارالىق اقپارات قۇرالدارىندا جارييالانعان ماقالالارى مەن سۇحباتتارىندا, باق ٶكٸلدەرٸ ٷشٸن ٶتكٸزگەن بريفينگتەردە ەلٸمٸزدٸڭ شەت مەملەكەتتەرمەن اراسىنداعى بايلانىستارعا, حالىقارالىق جەنە ٸشكٸ ساياسي مەسەلەلەرگە قاتىستى ايتقان وي-تولعامدارى ەندٸ. سونداي-اق, كٸتاپتىڭ سوڭىندا 8 سۇحبات پەن 2 دەرەكتٸ فيلمنٸڭ ۆيدەونۇسقاسى فلەش-كارتاعا جٷكتەلٸپ, قوسا بەرٸلٸپ وتىر.
«مٸنە, قر پرەزيدەنتٸنٸڭ باسپاسٶز قىزمەتٸ مەملەكەت باسشىسىنىڭ بٸر جىلعى اتقارعان جۇمىسىنىڭ جالپى قورىتىندىسى رەتٸندە وسى 4 تومدىقتى قالىڭ بۇقاراعا ۇسىنىپ وتىر. كٸتاپ ساياساتتانۋشىلاردىڭ, جۋرناليستەردٸڭ, زەرتتەۋشٸلەردٸڭ جەنە جالپى, كەز كەلگەن ٸزدەنۋشٸ ازاماتتىڭ تالعامىنا ساي كەلەدٸ دەگەن ٷمٸتتەمٸز», - دەپ تٷيٸندەيدٸ سٶزٸن پرەزيدەنتتٸڭ باسپاسٶز حاتشىسى.
.jpeg)