قازاقستان پرەزيدەنتٸنٸڭ اباي تۋرالى ماقالاسى قازاقستاندىقتارعا جاڭا بيٸكتٸكتەرگە ۇمتىلۋعا جول اشادى. ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸ جانىنداعى «اباي اكادەميياسى» عىلىمي-زەرتتەۋ ينستيتۋتىنىڭ ديرەكتورى, تاريح عىلىمدارىنىڭ كانديداتى ەرلان سايلاۋباي وسىنداي پٸكٸر بٸلدٸردٸ, دەپ حابارلايدى قازاقپارات.
«پرەزيدەنت قاسىم-جومارت توقاەۆتىڭ ابايدىڭ 175 جىلدىعىنا ارنالعان «اباي جەنە XXI عاسىرداعى قازاقستان» اتتى ماقالاسى مەملەكەتٸمٸز بەن حالقىمىز ٷشٸن تاريحي تۇرعىدان اسا ماڭىزدى جىلدىڭ باسىندا شىعۋى زاڭدىلىق ەرٸ كٶپتەن كٷتكەن دٷنيە. مەملەكەت باسشىسىنىڭ ۇلتتىق-ستراتەگييالىق جەنە مەملەكەتتٸك-يدەولوگييالىق ارنادا جازىلعان ماقالاسىنىڭ ٶزەگٸ – قازاقتىڭ دانا تۇلعاسى اباي قۇنانبايۇلى. اباي مۇراسىنداعى ادام مەن قوعامنىڭ ٷيلەسٸمدٸ دامۋىنا قاتىستى كٶزقاراستار بٷگٸنگٸ ەلٸمٸز بەن ۇلتىمىزدىڭ جاڭعىرۋىنا بٸردەن-بٸر جاڭا سەرپٸن, تىڭ يدەيالار بەرەتٸن عيبراتى مول جەنە ەرەكشە سيپاتتا ەكەندٸگٸ ماقالانىڭ ۇلت بولمىسىنىڭ ٷلگٸسٸ, مەملەكەت ٸسٸنٸڭ مٷددەلٸسٸ, جاڭا قوعامنىڭ جاناشىرى سىندى ٶزەكتەرٸندە ايىرىقشا تالدانعان ەرٸ تۇجىرىمدالعان», - دەدٸ عالىم.
ونىڭ اتاپ ٶتۋٸنشە, ەلەمدەگٸ ەربٸر ۇلت ٶركەنيەتتٸ دامۋ جولىندا مەملەكەتٸنٸڭ ٶركەندەۋٸنە ەرەن ىقپال ەتۋ قابٸلەتٸ زور بولمىستارىنا, سونىڭ ٸشٸندە تاريحي تۇلعالار مۇراسىنا قايتا ورالىپ, ٷنەمٸ زەردەلەپ وتىرعان.
«ۋاقىت ٶتكەن سايىن تۇلعالاردىڭ ادامزات ٶمٸرٸنٸڭ ەر الۋان قىرلارىن تەرەڭٸنەن قاراستىرىپ, ادام مەن قوعامنىڭ ٷدەمەلٸ دامۋ نەگٸزدەرٸن ايقىنداپ بەرەتٸن كٶزقاراستارىن باستى قۇندىلىق رەتٸندە جاڭا زامان لەبٸمەن ٷيلەستٸرە جاڭعىرتقان. پرەزيدەنت قاسىم-جومارت توقاەۆتىڭ «اباي جەنە XXI عاسىرداعى قازاقستان» اتتى ماقالاسى تٷپتەپ كەلگەندە بٸزگە, قازاقستاندىقتارعا جاڭا بيٸكتٸكتەرگە ۇمتىلۋعا جول اشقان زور دٷنيە دەپ قابىلدايمىز», - دەدٸ ەرلان سايلاۋباي.
