قازاقستاندا پرەزيدەنتتٸك جاستار كادر رەزەرۆٸنە كانديداتتاردى ٸرٸكتەۋدٸڭ ەكٸنشٸ كەزەڭٸ باستالادى, دەپ حابارلايدى "ۇلت اقپارات".
«پرەزيدەنت جانىنداعى جاستار كادر رەزەۆرٸنٸڭ ۇلتتىق كوميسسيياسى ەكٸنشٸ كەزەڭدٸ ٶتكٸزۋ, رەزەرۆتەردٸ ٸرٸكتەۋ مەن ونىڭ جوسپارىن بەكٸتتٸ. رەزەرۆتەردٸ ٸرٸكتەۋ الداعى 1 قىركٷيەكتە باستالادى. سونىڭ نەتيجەسٸندە مەملەكەتتٸك سەكتور ٷشٸن 50 جاس رەزەرۆ تاڭداپ الىنادى», - دەدٸ قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا وكق-دە ونلاين ٶتكەن باسپاسٶز مەسليحاتىندا.
سونداي-اق, اگەنتتتٸك باسشىسى كانديداتتارعا قويىلاتىن نەگٸزگٸ تالاپتارمەن تانىستىردى.
«كانديداتتارعا قويىلاتىن نەگٸزگٸ تالاپتار سول بۇرىنعىسىنشا, قازاقستان رەسپۋبليكاسىنىڭ ازاماتى بولۋى تيٸس, جاسى 35-تەن اسپاۋى كەرەك, جوعارى بٸلٸمٸ بار جەنە ەڭبەك ٶتٸلٸ 5 جىلدان كەم بولماۋى قاجەت. وسى جولعى جاستار رەزەۆتەرٸنەن بٸلٸم مەن داعدىدان بٶلەك, قوعامداعى مەسەلەلەردەن حاباردار بولىپ, ونى شەشۋگە قىزىعۋشىلىق تانىتۋى جوعارى باعالانادى. سونىمەن قاتار ارنايى تاپسىرمالار بەرٸلٸپ, كانديداتتاردىڭ بٸلٸم-بٸلٸگٸ جاڭاشا باعالانادى. ٸرٸكتەۋ كەزەڭٸنە مەملەكەت باسشىسى بۇعان دەيٸن ساياسي, مەملەكەتتٸك قىزمەت, ەكٸمشٸلٸك كورپۋس قىزمەتٸنە تاعايىنداعان قىزمەتشٸلەر قاتىسا المايدى. پرەزيدەنتتٸك جاستار كادر رەزەۆرٸندە بۇرىن بولعان ازاماتتاردىڭ قاتىسۋىنا بولمايدى», - دەيدٸ ول.
ونىڭ ايتۋىنشا, ٸرٸكتەۋدەن ٶتكەندەر پرەزيدەنتتٸك جاستار كادر رەزەرۆٸندە 3 جىلعا دەيٸن بولا الادى.
«ٸرٸكتەۋدەن ٶتكەن ماماندار مەملەكەتتٸك قىزمەتكە زاڭ اياسىندا سايلانىپ, تاعايىندالاتىن بولادى. ەگەر كەز كەلگەن مەملەكەتتٸك قىزمەتكە جاستار كادر رەزەرۆٸندە جوق ماماننىڭ كانديتاتۋراسى كەلٸپ تۇرسا, ول قىزمەتكە جاستار كادر رەزەرۆٸندەگٸ ماماندى تاعايىنداۋ مٸندەتتٸ ەمەس», - دەدٸ جايىلعانوۆا.
