پرەزيدەنتتٸك كادر رەزەرۆٸنە ەنگەن لەززات ەدٸلوۆا شەتەلدەگٸ جۇمىستان باس تارتىپ, اقتٶبەگە ورالدى. ەلٸمٸزدەگٸ ەڭ بٸلٸمدٸ 300 جاستىڭ قاتارىنا قوسىلعان مامان بولاشاقتا مەملەكەتتٸك قىزمەتكەر بولۋدى ماقسات ەتٸپ وتىر, دەپ حابارلايدى قازاقپارات.
لەززات ەدٸلوۆا پرەزيدەنت باستاماسى مۇناي-گاز سالاسىندا ەڭبەك ەتٸپ جٷرگەن جاس ماماندارعا جارقىن ماقساتتارىن ٸسكە اسىرۋعا جول اشتى دەپ ەسەپتەيدٸ.
«پرەزيدەنتتٸك جاستار كادر رەزەرۆٸ مەملەكەت باسشىسىنىڭ سايلاۋالدى باستاماسىندا مٸندەت ەتٸپ قويىلدى. ەڭ دارىندى, بٸلٸمدٸ 300 جاس تاڭدالدى. بولاشاقتا بۇل جاستار مەملەكەتتٸك قىزمەتتٸڭ تيٸمدٸلٸگٸن ارتتىرۋدى ماقسات ەتٸپ وتىر. مەن حالىققا قىزمەت ەتٸپ, جاعدايىن كٶتەرۋ, ٶز بٸلٸمٸم مەن تەجٸريبەمدٸ ەل يگٸلٸگٸنە باعىتتاۋدى كٶزدەيمٸن. كادرلىق رەزەرۆ جاساقتالعاندا اشىق ەرٸ وبەكتيۆتٸ جەتٸ كەزەڭنەن ٶتتٸك. ەرقايسىسىنىڭ ٶز ارتىقشىلىعى مەن جاۋاپكەرشٸلٸگٸ زور. قاڭتار ايىندا پرەزيدەنتپەن كەزدەسۋ بولدى. سول كەزدە تاپسىرما بەرٸپ, ناقتى ايتتى. بٸزگە ەل ٷلكەن ٷمٸت ارتىپ وتىر. قازٸر مەن مۇناي كومپانيياسىندا ەڭبەك ەتٸپ جٷرمٸن. باس مەنەدجەرمٸن. قازاق تٸلٸنەن ٶزگە ورىس, قىتاي, اعىلشىن تٸلٸندە ەركٸن سٶيلەي الامىن. قىتاي تٸلٸندە ماگيستراتۋرا بٸتٸردٸم. بٸردەن قىتايدا حالىقارالىق ۇيىمدار جۇمىسقا شاقىردى. بٸراق مەن قازاقستانعا ورالىپ, ەڭبەك ەتۋگە شەشٸم قابىلدادىم», - دەدٸ لەززات ەدٸلوۆا.
ينۆەستيتسييا تارتۋ, مۇناي-گاز سالاسىنداعى ينفراقۇرىلىم باعىتىن دامىتىپ جٷرگەن مامان بولاشاقتا حالىقارالىق قاتىناستار باعىتىندا جۇمىس ٸستەۋدٸ ارماندايدى. مەملەكەتتٸك قىزمەتكە اۋىسىپ, جاڭا باستامالارىمەن ەل دامۋىنا ىقپال ەتپەك.
«بەرٸمٸز دە قاراپايىم قازاق بالاسىمىز. مەسەلەن, مەنٸڭ ەكەم - تەمٸرجولشى, انام - دەرٸگەر. ۇزاق جىلدان بەرٸ بٸر سالادا ەڭبەك ەتٸپ جٷر. پرەزيدەنتتٸك كادر رەزەرۆٸنە جينالعان جاستاردىڭ بٸلٸمٸ جوعارى, كەيبٸرٸ شەتەلدە جٷرٸپ جاڭا تەحنولوگييانى مەڭگەرگەن. جينالعان ادامداردىڭ كٶزقاراسى ٶزگەشە, كٶپ بٸلەدٸ. بٸراق بەرٸ قاراپايىم, ەل ٷشٸن, ەرتەڭٸمٸز ٷشٸن ەڭبەك ەتەمٸز دەپ ورتاق مٷددەگە توعىستى», - دەدٸ لەززات ەدٸلوۆا.
ەسكە سالساق, پرەزيدەنت قاسىم – جومارت توقاەۆ «جٷزدەن - جٷيرٸك, مىڭنان - تۇلپار» شىققان جاستارمەن كەزدەسۋٸندە ەل دامۋىنىڭ باعىتىن تٷسٸندٸرٸپ بەردٸ. پرەزيدەنتتٸك كادر رەزەرۆٸنە بارلىعى 13 مىڭنان استام ٶتٸنٸش تٷسسە, ولاردىڭ تەك 300-ٸ ٸرٸكتەلدٸ.
.jpeg)