فوتو: Reuters.com
پرەزيدەنت قاسىم-جومارت توقاەۆ قاڭتار وقيعاسىنا ەلٸمٸزدەگٸ ىقپالدى ادامداردىڭ قاتىسى بارىن مەلٸمدەدٸ, - دەپ حابارلايدى Tengrinews.kz تٸلشٸسٸ.
توقاەۆ قازٸر قاڭتار وقيعاسىنا قاتىستى الدىن الا قورىتىندىلار دايىن ەكەنٸن ايتتى.
"بٸز تەرٸس پيعىلدى ادامداردىڭ تٶڭكەرٸس جاساماق بولعانىن ناقتى بٸلەمٸز. وسى رەتتە بٷلٸكشٸلەر نەگە مۇنداي قادامعا باردى دەگەن سۇراق تۋىندايدى. جاۋابى ايدان انىق. سوڭعى جىلدارى بٸز قازاقستاندى تٷبەگەيلٸ جاڭعىرتۋعا, ترانسفورماتسييالاۋعا كٶشتٸك. تٷرلٸ سالادا اۋقىمدى ٶزگەرٸستەر باستالدى. بۇل كەيبٸر ىقپالدى ادامدارعا ۇنامادى. ولار جىلدار بويعى زاڭسىز ەرەكەتتەرٸن ودان ارى جالعاستىرا بەرۋدٸ كٶزدەدٸ. نەعۇرلىم جوعارى بيلٸككە يە بولۋدى كٶزدەدٸ. سول ٷشٸن كەنٸگٸ قىلمىسكەرلەر قارۋلى باندالار مەن وپاسىز شەنەۋنٸكتەر بٸرٸگٸپ استىرتىن توپ قۇردى. ٸشكٸ جەنە سىرتقى جاۋلارىمىز ٶزارا ىمىرالاسىپ, بيلٸكتٸ باسىپ العىسى كەلدٸ. ولار حالىقتىڭ نارازىلىق شەرۋٸن باسقا ارناعا بۇرىپ, جۇرتتى قاساقانا ارانداتتى.
بيلٸككە كٷيە جاعۋ ٷشٸن بەيبٸت تۇرعىندارعا وق اتتى. وسىنىڭ بەرٸن شەتەلدەگٸ راديكال كٷشتەر ٶز ماقساتىنا پايدالانعىسى كەلدٸ. ولار قازاقستاندى قاقتىعىس ايماعىنا اينالدىرىپ, ەلدە ويران سالماق بولدى. پرەزيدەنتتٸ بيلٸكتەن كەتٸرگٸسٸ كەلدٸ.
تٶڭكەرٸس جاساۋعا ۇمتىلعانداردىڭ اراسىندا بەلگٸلٸ ادامدار بولدى. جوعارى لاۋازىم يەلەرٸ مەملەكەتكە ساتقىندىق جاسادى. ولار كٷشتٸك قۇرىلىمداردىڭ زاڭعا سەيكەس قيمىلداۋىنا كەدەرگٸ كەلتٸردٸ. مەملەكەت باسشىلىعىنا قالالارداعى احۋال تۋرالى جالعان اقپارات بەردٸ", - دەدٸ پرەزيدەنت پارلامەنت پالاتالارىنىڭ بٸرلەسكەن وتىرىسىندا.
