مەملەكەت باسشىسى ەسەپ كوميتەتٸنٸڭ تٶراعاسى ناتاليا گودۋنوۆانى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا ۇلتتىق حولدينگتەر جۇمىسىنىڭ تيٸمدٸلٸگٸنە جٷرگٸزٸلگەن تالداۋ قورىتىندىلارى تۋرالى ەسەپ بەرٸلدٸ. مۇنداي تاپسىرما 2019 جىلعى 2 قىركٷيەكتە پرەزيدەنتتٸڭ قازاقستان حالقىنا ارنالعان جولداۋىندا بەرٸلگەن بولاتىن.
ەسەپ كوميتەتٸ باسشىسىنىڭ مەلٸمەتٸ بويىنشا, شەشٸلۋٸ تيٸس قوردالانعان مەسەلەلەر مەن كەمشٸلٸكتەر انىقتالعان. اتاپ ايتقاندا, ەكونوميكاداعى كۆازيمەملەكەتتٸك سەكتوردىڭ ٷلەسٸ ازايماي تۇر. ونداعى كومپانييالار رەسپۋبليكالىق بيۋدجەتتٸڭ قولداۋىنا تەۋەلدٸ.
ناتاليا گودۋنوۆانىڭ ايتۋىنشا, ساتىپ الۋلار كەزٸندەگٸ رەسٸمدەردە ەلٸ دە اشىقتىق جوق. شارتتاردىڭ دەنٸ بەسەكەلەستٸك جولمەن جاسالمايدى. ەسەپ كوميتەتٸ اۋديت جٷرگٸزٸپ, وسى مەسەلەنٸڭ ناقتى سەبەپتەرٸن انىقتاۋى كەرەك.
ەسەپ كوميتەتٸنٸڭ باسشىسى قازاقستان پرەزيدەنتٸنٸڭ قاراۋىنا ۇلتتىق حولدينگتەردٸ, سونىڭ ٸشٸندە كۆازيمەملەكەتتٸك سەكتوردىڭ كەيبٸر كومپانييالارىن جابۋ ماقساتىندا وڭتايلاندىرۋ تۋرالى ۇسىنىس ەنگٸزدٸ.
جالپى, پرەزيدەنت ەسەپ كوميتەتٸنٸڭ جۇمىسىنا وڭ باعا بەردٸ.
