قازاقستان پرەزيدەنتٸ قاسىم-جومارت توقاەۆ ەۋرازييالىق دامۋ بانكٸنٸڭ باسقارما تٶراعاسى نيكولاي پودگۋزوۆتى قابىلدادى. بۇل تۋرالى اقوردانىڭ باسپاسٶز قىزمەتٸ حابارلادى.
كەزدەسۋ بارىسىندا مەملەكەت باسشىسىنا ەۋرازييالىق دامۋ بانكٸنٸڭ اتقارعان جۇمىستارىنىڭ نەتيجەلەرٸ مەن ورتا مەرزٸمدەگٸ جوسپارلارى تۋرالى, سونداي-اق الداعى كەزەڭگە ارنالعان ماكروەكونوميكالىق بولجامدارى جٶنٸندە مەلٸمەت بەرٸلدٸ. بانك ساراپشىلارى قازاقستانداعى ەكونوميكالىق ٶسٸمنٸڭ وڭ قارقىنى ەۋرازييالىق ەكونوميكالىق وداققا مٷشە ەلدەرمەن سالىستىرعاندا ەڭ جوعارى دەڭگەيدە بولادى دەپ بولجاپ وتىر.
سونىمەن قاتار قاسىم-جومارت توقاەۆ ەۋرازييالىق دامۋ بانكٸنٸڭ 2022-2026 جىلدارعا ارنالعان ستراتەگيياسىنىڭ نەگٸزگٸ باعىتتارىمەن تانىستى. اتاپ ايتقاندا, نيكولاي پودگۋزوۆ پرەزيدەنتكە قازاقستان مەن ەۋرازييالىق ەكونوميكالىق وداققا مٷشە باسقا دە ەلدەردٸڭ ەلەۋمەتتٸك-ەكونوميكالىق دامۋىنا ىقپال ەتەتٸن ماڭىزدى مەگاجوبالار تۋرالى ايتتى.
بانك «سولتٷستٸك – وڭتٷستٸك», «ەۋروپا – باتىس قىتاي» كٶلٸك دەلٸزدەرٸن اشۋعا باعىتتالعان جوبالاردى جٷزەگە اسىرۋعا, بٸرىڭعاي تاۋار ٶتكٸزۋ جەلٸلەرٸن قۇرۋعا جەنە ورتالىق ازييا سۋ-ەنەرگەتيكالىق كەشەنٸن جاڭعىرتۋعا كٶمەكتەسۋگە نيەتتٸ. ەۋرازييالىق دامۋ بانكٸ اتالعان جوبالارعا 1,2 ميلليارد دوللار كٶلەمٸندە ينۆەستيتسييا قۇيۋدى جوسپارلاپ وتىر. جالپى بانك 2026 جىلعا دەيٸن قازاقستان ەكونوميكاسىنا كەم دەگەندە 3,8 ميلليارد دوللار ينۆەستيتسييا سالۋعا نيەتتٸ.
مەملەكەت باسشىسى ەۋرازييالىق دامۋ بانكٸنٸڭ ينتەگراتسييالىق ٷدەرٸستەردٸ دامىتۋداعى بەلسەندٸ رٶلٸن اتاپ ٶتٸپ, قازاقستانعا جەنە ەۋرازييالىق ەكونوميكالىق وداققا مٷشە باسقا دا ەلدەرگە قاتىستى جوبالاردى جٷزەگە اسىرۋدىڭ ماڭىزدى ەكەنٸن ايتتى.
