ۇلتتىق قوعامدىق سەنٸم كەڭەسٸنٸڭ بەسٸنشٸ وتىرىسىندا قر پرەزيدەنتٸ قاسىم-جومارت توقاەۆ ەيەلدەرگە قاتىستى زورلىق-زومبىلىق مەسەلەسٸن كٶتەردٸ, دەپ حابارلايدى "ۇلت اقپارات".
پرەزيدەنتتٸڭ ايتۋىنشا, ٶزەكتٸ ەلەۋمەتتٸك مەسەلە رەتٸندە ەيەلدەرگە قاتىستى تۇرمىستىق زورلىق-زومبىلىق بولىپ تۇر. جىل سايىن ەلٸمٸزدە ەيەلدەرگە قاتىستى جاسالعان 2,5 مىڭنان استام قىلمىس تٸركەلەدٸ, وسىنىڭ سالدارىنان قايعىلى وقيعالار ورىن الىپ جاتادى. ەيەلدەرگە قارسى زورلىق-زومبىلىق ولاردىڭ قوعام ٶمٸرٸنە تولىققاندى قاتىسۋىنا توسقاۋىل بولىپ, وتباسى ينستيتۋتىنا كەرٸ ەسەرٸن تيگٸزەدٸ.
«بۇل مەسەلەنٸ تەك مەملەكەتتٸك ورگاندار مەن ٷكٸمەتتٸك ەمەس ۇيىمداردىڭ بٸرلەسكەن كٷش-جٸگەرٸمەن عانا شەشۋ مٷمكٸن بولىپ تۇر. بۇل رەتتە, ٸشكٸ ٸستەر مينيسترلٸگٸنە قاراستى 1999 جىلى قۇرىلعان ەيەلدەر مەن بالالاردى زورلىق-زومبىلىقتان قورعاۋ جٶنٸندەگٸ ارنايى بٶلٸمشەلەر ماڭىزدى رٶل اتقارادى», - دەدٸ مەملەكەت باسشىسى.
وسى ورايدا ق. توقاەۆ بۇل بٶلٸمشەلەر پوليتسييانىڭ ازاماتتىق قوعاممەن ٶزارا ٸس-قيمىلىنىڭ تيٸمدٸ بۋىنى بولۋى كەرەكتٸگٸن اتاپ ٶتتٸ.
«الايدا, كەزٸندە ولاردىڭ شتاتتىق سانىنىڭ جارتىسىنا جۋىعى قىسقارىپ قالعان, ەسٸرەسە, بۇل قىزمەتكەرلەر تۇرمىستىق زورلىق-زومبىلىق فاكتٸلەرٸ جيٸ تٸركەلەتٸن ٶڭٸرلەردە قىسقارعان. بۇل پروبلەمانى كەڭەستٸڭ الاڭىندا ەلەۋمەتتانۋشى گٷلميرا يلەۋوۆا كٶتەرگەن ەدٸ. ٸشكٸ ٸستەر مينيسترلٸگٸنە مٷمكٸندٸگٸنشە ەيەلدەر مەن بالالاردى زورلىق-زومبىلىقتان قورعاۋ جٶنٸندەگٸ ارنايى بٶلٸمشەلەردٸڭ شتات سانىن قالپىنا كەلتٸرۋدٸ تاپسىرامىن», - دەدٸ پرەزيدەنت.
