مەملەكەت باسشىسى قاسىم-جومارت توقاەۆ بەلگٸلٸ جازۋشى, جۋرناليست, اۋدارماشى مارحابات بايعۇتتىڭ دٷنيەدەن وزۋىنا بايلانىستى ونىڭ تۋىستارى مەن جاقىندارىنا كٶڭٸل ايتتى, دەپ حابارلايدى "ۇلت اقپارات".
"بولمىسى بەكزات, بٸتٸمٸ بٶلەك, جازۋى ەرەك, جانى جايساڭ, الاشقا ارداقتى, قالىڭ قازاققا قادٸرلٸ قالامگەر مارحابات اعانى اقتىق ساپارعا, مەڭگٸلٸك مەكەنٸنە شىعارىپ سالدىق. قارالى قاۋىمعا مەملەكەت باسشىسى قاسىم-جومارت كەمەلۇلى توقاەۆتىڭ كٶڭٸل ايتۋ سٶزٸن جەتكٸزدٸم", – دەپ جازدى اقپارات جەنە قوعامدىق دامۋ مينيسترٸ دارحان قىدىرەلٸ ٶزٸنٸڭ فەيسبۋك پاراقشاسىندا.
