قازاقستان پرەزيدەنتٸ قاسىم-جومارت توقاەۆ داعدارىسقا قارسى كٷرەسەرلٸك قازاقستانعا قاراجات بارىن جارييا ەتتٸ, دەپ حابارلايدى "ۇلت اقپارات".
«بٸرٸنشٸ كەزەكتە داعدارىسقا قارسى شەشٸمدەردٸڭ تيٸمدٸ جٷزەگە اسىرىلۋىن قامتاماسىز ەتۋ كەرەك. جاڭا كارانتيندٸك شارالاردى ەنگٸزۋ – ەكونوميكاداعى احۋالدى كٷردەلەندٸرٸپ جٸبەرۋٸ مٷمكٸن ەكەنٸن ەسكەرۋ كەرەك. ٷكٸمەتتە تيٸستٸ جۇمىس جوسپارى بولۋى تيٸس», - دەدٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا.
مەملەكەت باسشىسىنىڭ ايتۋىنشا داعدارىسقا قارسى كٷرەسەرلٸك قازاقستاندا قاراجات بار.
«تيٸستٸ زاڭنامالار قابىلداندى. سول سەبەپتٸ ٶڭدەۋ ٶنەركەسٸبٸنٸڭ كٶلەمٸن, قۇرىلىس جۇمىستارى مەن ينۆەستيتسييا كٶلەمٸن تٶمەندەتۋدٸڭ نەگٸزٸ جوق دەپ ەسەپتەيمٸن. ٷكٸمەت جاعدايدى رەتكە كەلتٸرۋٸ كەرەك», - دەدٸ ول.
